మనీలాండరింగ్ కేసులో జార్ఖండ్ గ్రామీణాభివృద్ధి శాఖ మంత్రి అలంగీర్ ఆలమ్‌ను ఎన్‌ఫోర్స్‌మెంట్ డైరెక్టరేట్(ఈడీ) అరెస్ట్ చేసింది. విచారణ అనంతరం ఆయన్ను ఈడీ అదుపులోకి తీసుకుంది. జహంగీర్ ఆలం ఇంట్లో ఈడీ రూ.35 కోట్లకు పైగా నగదును స్వాధీనం చేసుకుంది. గ్రామీణాభివృద్ధి శాఖలో జరిగిన అవకతవకలకు సంబంధించిన మనీలాండరింగ్ కేసులో అతన్ని అరెస్ట్ చేసింది.
మే 6న అలంగీర్ ఆలం పీఎస్‌, ఇతర సన్నిహితుల ఇళ్లపై ఈడీ దాడులు నిర్వహించింది. పట్టుబడిన కరెన్సీ నోట్ల లెక్కింపు అర్థరాత్రి వరకు కొనసాగగా, మొత్తం రూ.35.23 కోట్లు దొరికాయి. రాష్ట్ర గ్రామీణాభివృద్ధి శాఖలో అక్రమాలకు సంబంధించిన మనీలాండరింగ్ కేసుపైఏడు బృందాలు ఈ దాడులు నిర్వహించాయి.
ఆలంగీర్ ఆలం పాకుర్ అసెంబ్లీ నుండి 4 సార్లు కాంగ్రెస్ ఎమ్మెల్యేగా ఉన్నారు మరియు ప్రస్తుతం రాష్ట్ర ప్రభుత్వంలో పార్లమెంటరీ వ్యవహారాలు మరియు గ్రామీణాభివృద్ధి శాఖ మంత్రిగా ఉన్నారు. దీనికి ముందు, అలంగీర్ ఆలం 2006 20 అక్టోబర్ నుండి 2009 డిసెంబర్ 12 వరకు జార్ఖండ్ అసెంబ్లీ స్పీకర్‌గా కూడా ఉన్నారు. రాజకీయ వారసత్వంగా వచ్చిన ఆలంగీర్ సర్పంచ్ ఎన్నికల్లో విజయం సాధించి రాజకీయాల్లోకి వచ్చారు. 2000లో తొలిసారిగా ఎమ్మెల్యే అయిన ఆయన ఆ తర్వాత 4 సార్లు ఎమ్మెల్యే అయ్యారు.
