మాటల మాంత్రికుడిగా పేరుగాంచిన త్రివిక్రమ్ శ్రీనివాస్ సృష్టించిన ఎమోషనల్ అండ్ డ్రామా నేపథ్యంలో తెరకెక్కిన మూవీ నువ్వే నువ్వే మరోసారి థియేటర్లలో సందడి చేయనుంది. నవంబర్ 7న త్రివిక్రమ్ బర్త్ డే సందర్భంగా ఈ సినిమాను మళ్లీ విడుదల చేయనున్నామని చిత్ర నిర్వాహకులు ప్రకటించారు. ఇంకో చెప్పుకోదదగిన విషయం ఏమిటంటే ఈ చిత్రం రిలీజై అక్టోబర్ 10వ తేదీ నాటికి సరిగ్గా 20ఏళ్లు పూర్తయింది. ఈ నేపథ్యంలో నవంబర్ 4 నుంచి 7వరకు తెలంగాణ, ఏపీ రాష్ట్రాల్లో థియేటర్లలో విడుదల కానుందని మూవీ యూనిట్ ఇటీవలే ప్రకటించింది. ఈ మధ్యే 20ఏళ్ల కిందటి విజయాన్ని మరోసారి గుర్తు చేసుకుంటూ మేకర్స్ ఓ స్పెషల్ ఈవెంట్ ను కూడా అరెంజ్ చేశారు. అంతేకాదు ఏఎంబీ సినిమాలో స్పెషల్ షో ఏర్పాటు చేశారు.
లవర్ బాయ్ తరుణ్, శ్రియ హీరోహీరోయిన్లుగా తెరకెక్కిన ఈ చిత్రం గత 20ఏళ్ల క్రితం అద్భుత విజయం సాధించింది. బ్లాక్ బస్టర్ గా నిలిచిన ఈ సినిమా ఫస్ట్ నుంచీ కామెడీతో, పంచ్ లతో అలరించినా.. లాస్ట్ 15నిమిషాల హార్ట్ టచింగ్ ఎండింగ్ ను మాత్రం ఫ్యాన్స్ ఇప్పటికీ మర్చిపోలేరు. అంతటి మ్యాజిక్ అండ్ మెస్మరైజింగ్ ఫిల్మ్ గా నిలిచిన ఈ మూవీ మరోసారి రిలీజ్ కానుండడంతో అభిమానులు మరోసారి ఆ ఫీల్ ను ఎంజాయ్ చేసేందుకు రెడీగా ఉన్నట్టు తెలుస్తోంది.
