- వృద్ధురాలిని వీపుపై మోస్తూ సలేశ్వరం కొండెక్కిన కానిస్టేబుల్
నల్లమలలో సలేశ్వరం జాతరకు వచ్చిన ఓ వృద్ధురాలు కొండ ఎక్కేందుకు ఇబ్బంది పడుతుండడంతో ఓ కానిస్టేబుల్ఆమెను వీపుపై ఎక్కించుకుని పైకి తీసుకువెళ్లాడు. నాగర్ కర్నూల్ కు చెందిన 75 ఏండ్ల రాములమ్మ సలేశ్వరంలోని లింగమయ్య దర్శనం చేసుకొని తిరుగు ప్రయాణంలో కొండ ఎక్కేందుకు ఇబ్బంది పడింది.
ఆమె కష్టాన్ని చూసిన అచ్చంపేట కానిస్టేబుల్ రాందాస్ తన వీపుపై ఎక్కించుకుని కొండపైకి తీసుకువచ్చాడు. దీన్ని కొందరు వీడియో తీసి సోషల్ మీడియాలో పెట్టడంతో వైరల్ అయ్యింది. విషయం తెలుసుకున్న సీఐ రవికుమార్, పలువురు భక్తులు రాందాస్ను అభినందించారు.
