వ్యవసాయం, పేదరిక నిర్మూలకే కేటాయింపు లెక్కువ
తిరువనంతపురం: కేరళ రాష్ట్ర ప్రభుత్వం కొవిడ్ పునరుద్ధరణ ప్యాకేజీ ప్రకటించింది. కరోనా సెకండ్ వేవ్ నేపథ్యంలో ప్రజల ఆరోగ్యం, సామాజిక, ఆర్థిక సవాళ్ల పరిష్కారం కోసం రూ.20 వేల కోట్లతో బడ్జెట్లో ప్రత్యేక ప్యాకేజీని కేటాయించినట్లు శుక్రవారం ఆర్థిక మంత్రి కేఎన్ బాలగోపాల్ తెలిపారు. ఇందులో వ్యవసాయం, పేదరిక నిర్మూలనకు గణనీయమైన కేటాయింపులు చేసింది. దీంతో పాటు అందరికీ ఆహారం, ఉపాధి, ఫ్రీ వ్యాక్సినేషన్ కోసం కూడా బడ్జెట్ కేటాయించింది. 18 ఏండ్లు పైబడిన వారందరికీ ఫ్రీ వ్యాక్సిన్ వేసేందుకుగాను అదనంగా రూ.1,500 కోట్లు అలాట్ చేసింది. కేరళలో కరోనా హెల్త్ ఎమర్జెన్సీ ఉన్నందున ఆరు దశల వ్యూహాన్ని ఆ రాష్ట్ర ప్రభుత్వం ప్రకటించింది. కరోనా థర్డ్ వేవ్ ను కూడా ఎదుర్కొనేందుకు ప్రణాళికలు సిద్ధం చేస్తోంది. కరోనా మహమ్మారి కారణంగా రాష్ట్రం తీవ్ర ఆర్థిక సంక్షోభంలో ఉన్నప్పటికీ 2021–22 బడ్జెట్లో కొత్త పన్నులు విధించకూడదని నిర్ణయం తీసుకున్నట్లు మంత్రి బాలగోపాల్ తెలిపారు. రాష్ట్రంలో హెల్త్ ఎమర్జెన్సీ సమస్యను పరిష్కరించడానికి రూ.2,800 కోట్లు, కరోనా టైమ్లో ఉపాధి కోల్పోయి ఇబ్బంది పడుతున్నోళ్ల కోసం రూ.8,990 కోట్లు కేటాయించారు. అవసరమైన వారికి లోన్లు, వడ్డీ రాయితీల కోసం రూ.8,300 కోట్లు అలాట్ చేశారు. ప్రతి తాలుకా, జిల్లా, జనరల్ హాస్పిటళ్లల్లో 10 బెడ్లతో ఐసోలేషన్ వార్డులు ఏర్పాటుకు రూ.636.5 కోట్లు, మూడు మెడికల్ కాలేజీల్లో ఐసోలేషన్ బ్లాకులు నిర్మాణానికి మరో రూ. 50 కోట్లు కేటాయించారు.
వ్యవసాయం, ఎంఎస్ఎంఈలకు రూ.100 కోట్లు
వ్యవసాయం, ఎంఎస్ఎంఈ తదితరులకు తక్కువ వడ్డీకి రుణాలు ఇచ్చేందుకు, వడ్డీ మాఫీకి రూ.100 కోట్లను మంత్రి కేటాయించారు. చిన్న తరహా సంస్థ లు, స్టార్టప్ల అభివృద్ధి కోసం రూ.100 కోట్ల వెంచర్ క్యాపిటల్ ఫండ్ను ప్రతిపాదించారు. ఎస్సీ, ఎస్టీ పారిశ్రామికులకు తక్కువ వడ్డీ రుణాలిచ్చేందుకు రూ.10 కోట్లు కేటాయించారు. పర్యాటకం అభివృద్ధికి రూ.30 కోట్లు, ప్రస్తుతం ఉన్న రూ.100 కోట్లతో పాటు అదనంగా రూ.50 కోట్లను పర్యాటక మార్కెటింగ్ కోసం అలాట్ చేశారు.
12 కోట్ల పనిదినాలు..
ఉపాధి హామీ పథకం ద్వారా కనీసం 12 కోట్ల పని దినాల అమలుకు ప్రయత్నాలు జరుగుతున్నాయని మంత్రి చెప్పారు. ఆన్లైన్ టీచింగ్ తదితరాల కోసం10 కోట్లు, కేరళ నాలెడ్జ్ సొసైటీలో భాగంగా నైపుణ్యాలను పెంచడానికి నాలెడ్జ్ఎకానమీ ఫండ్ కేవుహాన్ ల్యాబ్ గుట్టు.. ఫౌచీ దాచిండా?టాయింపులను 300 కోట్లకు పెంచామన్నారు.
