బాలీవుడ్ స్టార్ హీరో, బిగ్ బీ అమితాబ్ బచ్చన్ హోస్ట్ చేస్తోన్న పాపులర్ క్విజ్ గేమ్ షో కౌన్ బనేగా కరోడ్‌పతి 15 షూటింగ్‌ను ప్రారంభించారు. ఈ సందర్భంగా ఆయన గేమ్ షో సెట్‌ నుండి కొన్ని చిత్రాలను పోస్ట్ చేశారు. ఇందులో అమితాబ్ KBC కోసం షూటింగ్ ప్రారంభించినట్లు మొదట ప్రకటించారు. ఆ తర్వాత దుస్తులు ధరించిన ఫొటోను పోస్ట్ చేశారు. ‘మళ్లీ మళ్లీ రిహార్సల్‌ చేస్తున్నా.. కేబీసీ కోసం..’ అంటూ ఆ ఫొటోకు క్యాప్షన్‌ పెట్టి, మరో ఫొటోకు ‘ఇందులో పనిచేస్తున్నా.. కేబీసీ, ప్రిపరేషన్‌’ అని రాసుకొచ్చారు.
ఈ షోకు సంబంధించి రిజిస్ట్రేషన్ ఏప్రిల్ 29న ప్రారంభమవుతుందని ప్రకటన చేస్తూ మేకర్స్ గతంలోనే ప్రోమోను వదిలారు. ప్రోమోలో, అమితాబ్ హోస్ట్ సీటుపై కూర్చొని కనిపించారు. అయితే ఒక మహిళ హాట్-సీట్‌కు చేరుకోవడానికి మార్గాన్ని కనుగొనడానికి మ్యాప్‌ను చూస్తుంది. చివరకు భూమిని తవ్వి సెట్స్‌కి చేరుకుంది. అప్పట్లో ఈ వీడియో సోషల్ మీడియాలోనూ వైరల్ అయింది.
T 4713 - it begins again KBC .. ❤️
— Amitabh Bachchan (@SrBachchan) July 23, 2023
