- కాంగ్రెస్ కేడర్కు ఎంపీ అనిల్ కుమార్ యాదవ్ పిలుపు
ఉప్పల్, వెలుగు: రానున్న స్థానిక సంస్థల ఎన్నికలకు కాంగ్రెస్ కార్యకర్తలు సిద్ధం కావాలని, ప్రభుత్వ సంక్షేమ పథకాలను ప్రతి గడపకూ తీసుకెళ్లాలని మల్కాజిగిరి పార్లమెంట్ కో-ఆర్డినేటర్, రాజ్యసభ సభ్యుడు అనిల్ కుమార్ యాదవ్ పిలుపునిచ్చారు. సోమవారం ఉప్పల్ నియోజకవర్గంలో కొత్త డివిజన్ అధ్యక్షుల నియామకంపై జిల్లా అధ్యక్షుడు తోటకూర వజ్రేశ్ యాదవ్, నియోజకవర్గ ఇన్చార్జీ మందుముల పరమేశ్వర్ రెడ్డితో కలిసి ఆయన సమీక్షా సమావేశం నిర్వహించారు.
సీఎం రేవంత్ రెడ్డి నాయకత్వంలోని ప్రజా ప్రభుత్వం అద్భుతంగా పనిచేస్తోందని, ఆ విషయాలను ప్రజల్లోకి తీసుకెళ్లాలన్నారు. సంస్థాగతంగా బలంగా ఉంటే ఉప్పల్లో కాంగ్రెస్ జెండా ఎగరడం ఖాయమని, కష్టపడిన ప్రతి కార్యకర్తకూ న్యాయం జరుగుతుందని భరోసా ఇచ్చారు.
