అభిమానులు ఎంతగానో ఎదురుచూస్తున్న నేచురల్ స్టార్ కొత్త సినిమా అంటే సుందరానికీ థియేటర్లలో విడుదలైంది. దీంతో దీనికి సంబంధించిన పలు రివ్యూలు సోషల్ మీడియోలో ఇప్పటికే చక్కర్లు కొడుతున్నాయి. భారీ అంచనాల నడుమ రిలీజ్ అయిన ఈ మూవీకి అదే స్థాయిలో స్పందన వస్తోంది. చాలా మంది ఫిల్మ్ స్టార్స్, నెటిజన్స్ ఈ సినిమా చూసి.. వారి అభిప్రాయాలను సోషల్ మీడియాలో పంచుకుంటున్నారు.
నాని తన 38ఏళ్ల నటనా టాలెంట్ మొత్తాన్ని ఈ సినిమాపైనే పెట్టినట్టు తెలుస్తోంది. అతని కామెడీ టైమింగ్, నటన అన్నీ అద్భుతంగా ఉన్నాయని సినీ వర్గాల టాక్. నజ్రియా నాజిమ్ కూడా ఏం తీసిపోలేదు. ఆమె కూడా మరోసారి తెలుగు ప్రేక్షకులను తన క్యూట్ ఫర్మామెన్స్ తో ఆకట్టుకున్నట్టు సమాచారం. ఈ సినిమాకు వివేక్ సాగర్ స్వరపరిచిన సంగీతం, మ్యూజిక్ కూడా ఇంత హిట్ రెస్పాన్స్ రావడానికి ఓ కారణమైందని నెటిజన్స్ ప్రశంసిస్తున్నారు.
ఇక కథ విషయానికొస్తే బ్రాహ్మణ ఫ్యామిలీకి చెందిన (నాని) సుందరం, ఓ క్రిస్టియన్ అమ్మాయి(నజ్రియా)తో ప్రేమలో పడతాడు. హీరో తన పేరెంట్స్ ను ఒప్పించే పనిలో భాగంగా హీరోయిన్ ను తన ఇంటికి ఇన్ వైట్ చేస్తాడు. ఈ నేపథ్యంలో చోటు చేసుకున్న సంఘటనలు ఆద్యంతం కామెడీని సృష్టిస్తాయి. ఈ కామెడీ ఎంటర్‌టైనర్‌లో నరేష్, రోహిణి, నదియా, అళగం పెరుమాళ్, హర్ష వర్ధన్, అనుపమ పరమేశ్వరన్, పృధ్వీ రాజ్, రాహుల్ రామకృష్ణ మరియు శ్రీకాంత్ అయ్యంగార్ లాంటి పలు పాత్రలు నవ్వులు పూయించడంలో కీలక పాత్ర పోషిస్తాయి. కామెడీ, ఎమోషన్ కలగలిసిన ఈ మూవీపై అంతటా పాజిటివ్ టాక్ వినిపిస్తోంది.
'అంటే సుందరానికీ' సినిమా నాని కెరీర్‌లో 30.5 కోట్ల రూపాయలకు పైగా వసూళ్లతో భారీ ప్రీ-రిలీజ్ బిజినెస్‌ను నమోదు చేసింది. ఇక ఈ మూవీ కలెక్షన్లు కూడా బాక్సాఫీస్ ను షేక్ చేస్తాయని సినీ వర్గాల టాక్ . ఈ మూవీ గురించి ఒక్క మాటలో చెప్పాలంటే ఎంటర్ టైనింగ్ అండ్ ఎమోషనల్ అని నెటిజన్స్ తమ అభిమానాన్ని చాటుతున్నారు. కామెడీ, ఎమోష‌న్స్ సినిమాకు ప్లస్ పాయింట్స్‌గా మారాయి. నాని తన అద్భుత‌మైన న‌ట‌న‌తో మెస్మరైజ్ చేశాడ‌ని పలువురు కామెంట్స్ చేస్తున్నారు.
