మెదడు పనితీరుపైనే బాడీ ఫంక్షనింగ్ అంతా ఆధారపడి ఉంటుంది. అందుకే మెదడుని ఎప్పుడూ ఆరోగ్యంగా, చురుగ్గా ఉంచుకోవాలి. అందుకోసం ఈ హెల్దీ ఫుడ్ని డైట్లో చేర్చాలి అంటున్నారు ఎక్స్పర్ట్స్. మరి ఆ ఫుడ్ ఏంటంటే..
- డార్క్ చాక్లెట్స్లో ఫ్లేవనాయిడ్స్ అనే బ్రెయిన్ బూస్టింగ్ కాంపౌండ్ ఉంటుంది. ఇది మెదడుకి కేర్ టేకర్గా పనిచేస్తుంది. జ్ఞాపకశక్తిని పెంచుతుంది. మూడ్స్వింగ్స్ని తగ్గిస్తుంది.
- కోడిగుడ్డులో ఉండే విటమిన్– ఎ, బి5, బి12, బి2, ఫోలేట్, ఫాస్ఫరస్, సెలీనియం బ్రెయిన్ ఫంక్షనింగ్కి సాయం చేస్తాయి. ముఖ్యంగా వీటిలో ఉండే క్రోలిన్.. బ్రెయిన్ సెల్స్ కమ్యూనికేషన్ని మెరుగుపరుస్తుంది.
- ఒమెగా ఫ్యాటీ యాసిడ్స్ ఎక్కువగా ఉండే చేపలు తింటే.. మెదడు ఆరోగ్యంగా ఉంటుంది. జ్ఞాపక శక్తి పెరుగుతుంది. ఇవి తింటే మెదడులో రక్తప్రసరణ సరిగా జరుగుతుంది.
- వాల్నట్స్లోని హెల్దీ ఫ్యాట్స్ బ్రెయిన్ని ఆరోగ్యంగా ఉంచుతాయి. అందుకే దీన్ని బ్రెయిన్ ఫ్రెండ్లీ ఫుడ్ అంటారు. రోజుకి గుప్పెడు వాల్నట్స్ తింటే జ్ఞాపకశక్తి పెరుగుతుంది. కొన్ని స్టడీల ప్రకారం వాల్నట్స్ డిప్రెషన్పైనా పోరాడతాయి. బ్రెయిన్ సెల్స్ని ఆరోగ్యంగా ఉంచుతాయి.
- పాలకూర, తోటకూర, బ్రొకోలిలో బ్రెయిన్ని హెల్దీగా ఉంచే విటమిన్–కె ఎక్కువగా ఉంటుంది. ఇవి థింకింగ్ పవర్ని పెంచుతాయి.
- ‘ది జర్నల్ ఆఫ్ న్యూట్రిషన్’ స్టడీ ప్రకారం కాఫీలోని కెఫిన్.. బ్రెయిన్ని రిలాక్స్ చేస్తుంది. మూడ్ స్వింగ్స్ నుంచి బయటపడేస్తుంది.