టైటిల్ : చావర్
కాస్ట్ : కుంచకో బోబన్, ఆంటోనీ వర్గీస్,
జాయ్ మాథ్యూ, మనోజ్, సజిన్ గోపు,
అర్జున్ అశోకన్, సంగీత మాధవన్ నాయర్
డైరెక్టర్ : టిను పప్పచ్చన్
లాంగ్వేజ్ : మలయాళం
ప్లాట్ఫాం : సోనీలివ్
అశోకన్ (కుంచకో బోబన్), ముస్తఫా, ఆసిఫ్, థామస్ అనే నలుగురు పొలిటికల్ గుండాలు. వాళ్లంతా ఓ హత్య కేసులో ఇరుక్కుని పరారీలో ఉంటారు. దానికి ముందు వాళ్లంతా కలిసి ఒక పార్టీ చేసుకుంటారు. అయితే, వాళ్లు తప్పించుకునే క్రమంలో జీప్ సరిచేస్తుండగా అశోకన్కి దెబ్బ తగులుతుంది. మెడికల్ స్టూడెంట్, కమ్యూనిస్ట్ పార్టీ లీడర్ కొడుకు అయిన అరుణ్ దగ్గరకి వెళ్లి, అశోకన్కి ఫస్ట్ ఎయిడ్ చేయడానికి రమ్మని రిక్వెస్ట్ చేస్తాడు ముస్తఫా.
దాంతో తన ఫ్రెండ్ సూరజ్ బైక్ తీసుకుని ఫస్ట్ ఎయిడ్ చేసే లొకేషన్కి వెళ్తాడు. ఫస్ట్ ఎయిడ్ చేయకముందే ‘ఈ గాయాలు చూస్తుంటే అనుమానంగా ఉంది. ఎలా తగిలాయి?’ అని అడుగుతాడు. వాళ్లు సరైన సమాధానం చెప్పరు. ఫస్ట్ ఎయిడ్ చేశాక నిన్ను వదిలేస్తామని ప్రామిస్ చేస్తారు. కానీ, వాళ్లతోనే ఉండాల్సి వస్తుంది. ఆ తర్వాత.. కొంతసేపటికి థామస్ తన దగ్గరున్న బాంబ్ బావిలో పారేస్తుంటే... అది బావిలో పడి పేలుతుంది. దాంతో కొత్త సమస్యలు మొదలవుతాయి. ఏంటా సమస్యలు? వాటిని ఎలా ఎదుర్కొంటారు? కిరణ్ హత్యకు గల కారణాలేంటి? పోలీసులు పట్టుకుంటారా? వంటివి తెరపై చూడాల్సిందే.
నలభై ఏండ్ల బ్యాచిలర్కు పెండ్లి!
టైటిల్ : పులి మడ
కాస్ట్ : జోజు జార్జ్, ఐశ్వర్య రాజేశ్, లిజోమోల్ జోస్, బాలచంద్ర మేనన్, జానీ ఆంటోనీ, చెంబన్ వినోద్ జోస్, అబూ సలీం, కృష్ణ ప్రభ
డైరెక్టర్ : ఎ.కె. సజన్
లాంగ్వేజ్ : మలయాళం, ప్లాట్ఫాం : నెట్ ఫ్లిక్స్
విన్సెంట్ స్కరియ (జోజు జార్జ్) పోలీస్. నలభై ఏండ్ల బ్యాచిలర్. తన పాత ఇంట్లో ఉంటుంటాడు. అది వాళ్ల తాతముత్తాతల కాలం నాటి ఇల్లు. అది కొండపైన ఎక్కడో ఉంటుంది. ఆ ఇంటికి బాత్రూమ్ కూడా ఉండదు. అయినాసరే అక్కడి నుంచి అతను ఇల్లు మారాలి అనుకోడు. దానికి కారణం విన్సెంట్ తండ్రి. ఆయనకు ఇంట్లో బాత్రూమ్ ఉండడం ఇష్టం లేకపోవడంతో వాళ్లు కట్టించుకోరు. ఆయన చనిపోయిన తర్వాత కూడా అలానే ఉంటుంటారు. సంప్రదాయాలకు విలువనిచ్చే విన్సెంట్.. హౌస్ వైఫ్గా ఉండే భార్య కావాలని కోరుకుంటాడు. ఆ ఇంట్లో విన్సెంట్, వాళ్ల అమ్మ ఉంటుంటారు. తల్లికి మానసిక ఆరోగ్యం బాగుండదు. ఎన్నో ఏండ్లపాటు ట్రై చేయగా... చేయగా ఎలాగోలా విన్సెంట్కి పెండ్లి ఫిక్స్ అవుతుంది. అయితే, ఇక్కడే ట్విస్ట్! పెండ్లి రోజే పెండ్లి కూతురు... ఆమె ప్రియుడితో కలిసి పారిపోతుంది. పెండ్లి డ్రెస్లోనే పెండ్లి కూతుర్ని వెతకడానికి బయలుదేరతాడు విన్సెంట్. ఆ తర్వాత ఏం జరిగిందనేదే కథ. సినిమా పూర్తిగా ఎంటర్టైన్ చేస్తుంది.
సూపర్ హీరో టైమ్ ట్రావెల్ చేస్తే..
టైటిల్ : ది ఫ్లాష్
ఎజ్రా మిల్లర్, సాషా కాల్లె, మైఖేల్ షాన్నన్, రాన్ లివింగ్స్టన్, మారబెల్ వెర్దు, కీర్సె క్లెమెన్స్
డైరెక్టర్ : యాండీ ముషెట్టి
లాంగ్వేజ్ : ఇంగ్లిష్, తెలుగు, హిందీ, తమిళం
ప్లాట్ఫాం : జియో సినిమా
బ్యారీ అలెన్ (ఎజ్రా మిల్లర్) క్రిమినల్ ఫోరెన్సిక్ డిపార్ట్మెంట్లో పనిచేస్తుంటాడు. సూపర్ హీరోగా ప్రజల్ని కూడా కాపాడుతుంటాడు. బ్యారీ తల్లి హత్య కేసులో తన తండ్రికి అకారణంగా శిక్ష పడుతుంది. దాంతో తనకు ఉన్న శక్తుల్ని వాడి, టైమ్ ట్రావెల్ ద్వారా తల్లిని చనిపోకుండా కాపాడాలి అనుకుంటాడు. ఆ విషయాన్ని బ్యాట్మెన్ బ్రూస్ వెయిన్ (బెన్ ఆఫ్లెక్)కి చెప్తాడు. అయితే గతాన్ని మారిస్తే ఫ్యూచర్లో ప్రాబ్లమ్ అవుతుందని చెప్తాడు అతను. కానీ, బ్యారీ ఆ మాటలు వినకుండా టైమ్ ట్రావెల్ చేసి తల్లిని కాపాడుకుంటాడు.
తిరిగి తన కాలానికి వస్తుండగా మధ్యలో ఒక వ్యక్తి అడ్డుకోవడంతో 2013లో ఆగిపోతాడు. అయితే, తను వచ్చింది తన ప్రపంచానికి కాదు.. మల్టీవర్స్లో ఉన్న మరో భూగ్రహం మీదకి అని తెలుస్తుంది. ఆ తర్వాత ఏం జరిగింది? బ్యారీని అడ్డుకున్న వ్యక్తి ఎవరు? చివరికి కథ ఎలా ముగిసింది? అనేవి ‘ది ఫ్లాష్’ చూసి తెలుసుకోవాల్సిందే. ఇప్పటి వరకు వచ్చిన సూపర్ హీరో సినిమాలు ఏవీ డిసప్పాయింట్ చేయలేదు. అలాగే ఇది కూడా ఆడియెన్స్ని ఆకట్టుకుంటుంది. సూపర్ హీరో మూవీ లవర్స్కి ఇది బెస్ట్ ఎక్స్పీరియెన్స్ ఇస్తుంది.
