తెలంగాణ ప్రజలకు రాష్ట్ర ఆవిర్భావ దినోత్సవ శుభాకాంక్షలు తెలిపారు సీఎం రేవంత్రెడ్డి. రాష్ట్రసాధన పోరాటంలో ప్రాణాలు అర్పించిన అమరుల త్యాగాలను స్మరించుకోవాలని సీఎం కోరారు. తెలంగాణ అభివృద్దికి ప్రభుత్వం కట్టుబడి ఉందన్నారు. తెలంగాణను దేశానికే ఆదర్శంగా తీర్చిదిద్దేందుకు ప్రణాళికలు రూపొందించినట్టు తెలిపారు. ఉద్యమంలో పాల్గొన్న ప్రతి ఒక్కరికి అభినందనలు తెలిపారు. జూన్ 2 తెలంగాణ ఆవిర్భావ దినోత్సవ వేడుకలకు అన్ని ఏర్పాట్లు చేస్తున్న తెలిపారు.
మరోవైపు ప్రధాని మోదీ, తెలంగాణ మాజీ సీఎం కేసీఆర్ కూడా రాష్ట్రప్రజలకు ఆవిర్భావ దినోత్సవ శుభాకాంక్షలు తెలిపారు. తెలంగాణను దేశానికి ఆదర్శంగా నిలిపామన్నారు కేసీఆర్. అదే స్ఫూర్తిని కాంగ్రెస్ ప్రభుత్వం కొనసాగించాలని కోరారు. కాంగ్రెస్ ప్రభుత్వం ప్రజలకు ఇచ్చిన హామీలను అమలు చేయాలన్నారు. అన్ని వర్గాలు సుఖ సంతోషాలతో ఉండాలని కేసీఆర్ కోరారు.
ఆదివారం (జూన్ 1) సాయంత్రం హైదరాబాద్లోని కమాండ్ కంట్రోల్ సెంటర్ లో మంత్రులతో సీఎం రేవంత్ రెడ్డి సమావేశం నిర్వహించారు. ఈసమావేశంలో పలు కీలక నిర్ణయాలు తీసుకున్నారు. జూన్ 5న కేబినెట్సమావేశం నిర్వహించాలని నిర్ణయించారు. జూన్ 2 రాష్ట్ర అవతరణ వేడుకలు, ఏర్పాట్లపై సీఎం, మంత్రులు చర్చించారు.
మే29,30 తేదీల్లో వివిధ జిల్లాల్లో పర్యటించిన మంత్రులు.. రిపోర్టులను సీఎం రేవంత్రెడ్డికి వివరించారు. ఇందిరమ్మ ఇండ్లు, రెవెన్యూ సదస్సులుపై మంత్రుల తమ నివేదికలను వివరించారు. దీంతోపాటు రాజీవ్ యువ వికాసం అమలు, పంట సాగుసన్నద్దతప చర్చించారు. ఉద్యోగుల సమస్యలపై డిప్యూటీ సీఎం భట్టి విక్రమార్క సీఎం రేవంత్ రెడ్డికి నివేదికను వివరించారు.
