- వీడియో తీసి సీపీకి పంపిన వ్యక్తి
వైరా, వెలుగు: నలుగురు కానిస్టేబుల్స్, ఓ హోంగార్డు బెల్ట్షాపులో మద్యం తాగుతుండగా ఓ వ్యక్తి వీడియో తీసి వాట్సప్ లో ఖమ్మం సీపీకి పంపించాడు. దీంతో వారిపై సీపీ చర్యలు తీసుకున్నారు. ఖమ్మం జిల్లా కొణిజర్ల పోలీస్‌‌స్టేషన్‌‌లో డ్యూటీ చేస్తున్న నలుగురు కానిస్టేబుళ్లు మరో హోంగార్డ్ అదే మండలంలోని అమ్మపాలెం గ్రామంలో ఇటీవల ఓ ఫంక్షన్‌‌కు వెళ్లారు. అక్కడికి వెళ్లే క్రమంలో ఓ బెల్టు షాపు దగ్గర మద్యం తాగారు. దానిని ఓ వ్యక్తి వీడియో తీశాడు. ఆ వీడియో వాట్సప్ ద్వారా సీపీ విష్ణు ఎస్. వారియర్కు పంపించడంతో నలుగురిని శుక్రవారం ఆయన ఆఫీస్కి పిలిపించారు. ప్రజలకు రక్షణ కల్పించాల్సిన బాధ్యత కలిగిన ఉద్యోగంలో ఉండి ఇలా చేయడమేంటని, తప్పు ఎవరు చేసినా ఊరుకునేది లేదని సీపీ వార్నింగ్‌ ఇచ్చారు. నలుగురు కానిస్టేబుళ్లు, మరో హోంగార్డును ఏఆర్ హెడ్ క్వార్టర్స్ కు అటాచ్ చేస్తూ సీపీ ఉత్తర్వులు జారీ చేశారు.
