సుల్తాన్బజార్, వెలుగు: వాహనం అసలు రిజిస్ట్రేషన్ నంబర్ను మార్చి నకిలీ నంబర్ ప్లేట్ ఉపయోగిస్తున్న ఓ వాహనదారుడిపై హైదరాబాద్ ట్రాఫిక్ పోలీసులు క్రిమినల్ కేసు నమోదు చేశారు. ఈ విషయాన్ని హైదరాబాద్ ట్రాఫిక్ జాయింట్ కమిషనర్ డి.జోయల్ డేవిస్ వెల్లడించారు. హిమాయత్నగర్కు చెందిన ఖాంచందాని బలరామ్ (59) ట్రాఫిక్ చలానాలు తప్పించుకునేందుకు తన హోండా యాక్టివా వాహనం అసలు రిజిస్ట్రేషన్ నంబర్ మార్చి నకిలీ నంబర్ ప్లేట్ను వినియోగిస్తున్నాడు.
నకిలీ నంబర్ ప్లేట్ కారణంగా కవాడిగూడకు చెందిన ఎస్.విజయ్ హోండా యూనికార్న్ వాహనానికి ట్రాఫిక్ చలానాలు జారీ అయినట్లు అధికారులు గుర్తించారు. ఈ ఘటనపై సుల్తాన్బజార్ పోలీస్ స్టేషన్లో క్రిమినల్ కేసు నమోదు చేసి, నిందితుడికి నోటీసులు జారీ చేశారు.
