టాలీవుడ్ హీరోయిన్ డింపుల్ హయతిపై తప్పుడు కంప్లైంట్ చేసారని, తను డీసీపీ కార్ కవర్ తీసేసిందని ఎఫ్ఐఆర్ లో రాసారని, నిజంగా డింపుల్ తొలగించినట్టు ఫుటేజ్ ఉంటే బయటపెట్టండని సవాల్ విసిరారు డింపుల్ తరుపు న్యాయవాది పాల్ సత్య నారాయణ. ఈ వివాదంపై తాజాగా ఆయన ప్రెస్ మీట్ నిర్వహించారు. ఇందులో భాగంగా డీసీపీ అబద్దాలు ఆడుతున్నాడని చెప్పుకొచ్చాడు. తన డ్రైవర్ ను కాపాడుకునేందుకే ఇదంతా చేస్తున్నాడని, ఇంత జరుగుతున్నా డ్రైవర్ ఎందుకు బయటకు రావడంలేదని ప్రశ్నించాడు.
ట్రాఫిక్ ఇన్సపెక్టర్స్, ట్రాఫిక్ పోలీసులు కావాలనే బ్రిక్స్ తీసుకొచ్చి పార్కింగ్ లో పెట్టారని, చేసిన తప్పును కవర్ చేసుకునేందుకే ఇదంతా చేసారని ఆరోపించారు. డీసీపీ బిహేవియర్ బాగాలేకనే డింపుల్ గతంలో ఆయనకు వార్ణింగ్ కూడా ఇచ్చిందని, ఆ కోపంతోనే డింపుల్ పై తప్పుడు కేసులు పెట్టారని మండిపడ్డారు సత్య నారాయణ. ఇక డింపుల్ ఇంట్లోకి కూడా ఎవరెవరో వస్తున్నారని, తెలియని నంబర్స్ నుండి కాల్స్ చేసి ఆమెను భయపెడుతున్నారని, భయంతో ఆమె బయటకు కూడా రావడంలేదని చెప్పుకోచ్చారు. దీనిపై డింపుల్ కంప్లైంట్ పెడితే కూడా తీసుకోవడం లేదని తెలిపారు.
ఇది ఖచ్చితంగా అధికార దుర్వినియోగమే అని, డీసీపీతో పాటు అతని డ్రైవర్ పైన న్యాయ పరమైన యాక్షన్ తీసుకుంటామని తెలిపారు సత్య నారాయణ. ఇక ఐపీఎస్ అధికారి రాహుల్ హెగ్డే, డింపుల్ హయతికి నడుమ కారు పార్కింగ్ విషయంలో వివాదం చెలరేగిన విషయం తెలిసిందే. ఈ ఇష్యూ పోలీస్ స్టేషన్ వరకు వెళ్ళింది. డింపుల్ హయతి నివాసం ఉంటున్న భవనంలోనే ట్రాఫిక్ డీసీపీ ఐపీఎస్ రాహుల్ హెగ్డే నివాసం ఉంటున్నారు.
