వరల్డ్ కప్ గెలిచే వరకు నా ప్రయాణం ఆగదు.. రోహిత్ శర్మ కామెంట్స్ వైరల్!

Rohit Sharma: భారత క్రికెట్‌లో ప్రస్తుతం ఎక్కడ చూసినా ఒకటే చర్చ.. 2027 వన్డే ప్రపంచకప్ పై రోహిత్ శర్మ, విరాట్ కోహ్లీల భవిష్యత్తు ఆధారపడి ఉంది. టెస్టులు, టీ20లకు దూరమైన ఈ ఇద్దరు దిగ్గజాలు ఇప్పుడు కేవలం వన్డే ఫార్మాట్‌పైనే పూర్తిగా దృష్టి పెట్టారు. తాజాగా వెస్టిండీస్‌తో వన్డే సిరీస్ ప్రారంభానికి ముందు జియోస్టార్ కి ఇచ్చిన ఇంటర్వ్యూలో రోహిత్ శర్మ చేసిన వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. తన కెరీర్‌ ఇంకా అసంపూర్తిగా (Unfinished Business) ఉందని, అదే తనను ముందుకు నడిపిస్తోందని హిట్ మ్యాన్ తేల్చి చెప్పారు.  

నా రోల్ ఇంకా ఫినిష్ కాలేదు: రోహిత్ శర్మ

వెస్టిండీస్‌తో పోరుకు సిద్ధమవుతున్న తరుణంలో రిటైర్మెంట్ ప్రచారంపై రోహిత్ శర్మ తనదైన శైలిలో చెక్ పెట్టారు. నేను ఆడుతున్నంత కాలం, ఎదురుచూడటానికి ఏదో ఒకటి కచ్చితంగా ఉంటుంది. నా పనైపోయింది, నా కెరీర్ ఫినిష్ అయిపోయిందన్న ఆలోచన నా మైండ్ లోకి ఎప్పటికీ రాదు.. నేను ఇప్పుడు 2027 వన్డే ప్రపంచకప్ గురించే ఎదురు చూస్తున్నా.. 2007 (టీ20 జట్టులో సభ్యుడిగా), 2024 టీ20 (కెప్టెన్ గా) ప్రపంచకప్‌లను సాధించిన రోహిత్ ఖాతాలో వన్డే వరల్డ్ కప్ మాత్రం ఇప్పటికీ చేరలేదు. 2023లో కెప్టెన్‌గా తృటిలో కోల్పోయిన ఆ ప్రపంచకప్ కలను, 2027లో సౌతాఫ్రికా వేదికగా నెరవేర్చుకోవడమే తన ఏకైక లక్ష్యమని హిట్ మ్యాన్ పరోక్షంగా తేల్చిచెప్పారు.   

కోహ్లీ కూడా క్లారిటీ.. అదే చివరి వరల్డ్‌కప్: 

మరోవైపు విరాట్ కోహ్లీ సైతం 2027 వన్డే ప్రపంచకపే తన చివరి ఐసీసీ టోర్నమెంట్ అని ఇప్పటికే స్పష్టం చేసిన విషయం తెలిసిందే. ఇది విదేశీ గడ్డపై జరుగుతోంది.. దేశం కోసం నేను ఆడబోయే చివరి వరల్డ్‌కప్ ఇదే.. మైదానంలో నా సర్వశక్తిని ధారపోస్తాను అంటూ కోహ్లీ చేసిన వ్యాఖ్యలు క్రికెట్ ప్రపంచాన్ని షాక్ కి గురి చేస్తున్నాయి. ఇలా రోహిత్, కోహ్లీ ఇద్దరూ ఒకే లక్ష్యంతో మిషన్ 2027 కోసం సిద్ధమవుతున్నారు.

►ALSO READ | రేపే భారత్ vs వెస్టిండీస్ తొలి వన్డే.. టీవీలో? మొబైల్‌లో ఎక్కడ చూడాలో తెలుసా?

రేపే భారత్ - వెస్టిండీస్ తొలి వన్డే: 

2027 వరల్డ్‌కప్ సన్నాహకాల్లో భాగంగా రేపు (ఆదివారం, సెప్టెంబర్ 27) తిరువనంతపురంలోని గ్రీన్ ఫీల్డ్ ఇంటర్నేషనల్ స్టేడియం వేదికగా భారత్ వర్సెస్ వెస్టిండీస్ మధ్య తొలి వన్డే మ్యాచ్ జరగనుంది. కాగా యువ ఆటగాళ్లతో పాటు సీనియర్లు సైతం జట్టులోకి రావడం, రోహిత్-కోహ్లీల భవితవ్యంపై మాజీ దిగ్గజాలు సురేష్ రైనా, ఆకాశ్ చోప్రా వంటి వారంతా భారత్‌కు 90 శాతం గెలుపు అవకాశాలున్నాయని మద్దతు తెలపడంతో ఈ సిరీస్‌పై భారీ అంచనాలు నెలకొన్నాయి. 

Rohit Sharma about Roko bond 🔥

pic.twitter.com/NUXZXYjur4

— ST Srivas (@Lofted_Drive_) September 26, 2026