'గంగూబాయి కతియావాడి' తర్వాత సంజయ్ లీలా భన్సాలీ డైరెక్షన్లో అలియా భట్ నటిస్తున్న చిత్రం 'లవ్ అండ్ వార్'. తన భర్త రణబీర్ కపూర్తో కలిసి ఆమె ఈ చిత్రంలో నటిస్తోంది. విక్కీ కౌశల్ మరో హీరోగా నటిస్తున్నాడు. జనవరి 21న ఈ పీరియాడికల్ రొమాంటిక్ డ్రామా రిలీజ్ కానుంది.
తాజాగా రణబీర్ కపూర్ ఫస్ట్ లుక్ తో సినిమాపై ఆసక్తి పెంచిన మేకర్స్.. శు క్రవారం అలియాభట్ ఫస్ట్ లుక్ను విడుదల చేశారు. "ఆమెజ్వాల లాంటిది.. అందరి హృదయాల్లో ప్రేమను పుట్టిస్తుంది" అనే క్యాప్షన్ రిలీజ్ చేసిన ఈ పోస్టర్లో బోల్డ్ గా బార్లో డాన్స్ చేస్తున్నట్టుగా అలియా కనిపిస్తోంది. ఈ రెట్రో పోస్టర్తో పాటు 'వేల నక్షత్రాలు ఉన్నా, ప్రకాశం మాత్రం ఆమెదే' లాంటి క్యాప్షన్తో తన క్యారెక్టర్ సినిమాలో ఎంత గ్లామరస్ గా ఉండబోతోందనేది రివీల్ చేశారు.
ఇక ఈ క్యాబరే డాన్సర్ పాత్ర కోసం సెవెంటీస్ లోని జాజ్ సింగర్స్ బాడీలాంగ్వేజ్, కాస్ట్యూమ్స్ లాంటి వాటిపై రీసెర్చ్ చేసిందట అలియాభట్. గంగూబాయి తరహాలో ఈ పాత్ర కూడా తన కెరీర్లో గుర్తుండిపోయే అవకాశాలు కనిపిస్తున్నాయి.
