ఎన్‌ఫోర్స్‌మెంట్ డైరెక్టరేట్ అక్రమ ఆన్‌లైన్ బెట్టింగ్ ప్లాట్‌ఫామ్‌లపై తన దర్యాప్తును విస్తృతం చేసింది. ఇందులో భాగంగా మాజీ క్రికెటర్లతో పాటు సినీ ప్రముఖులపై దృష్టి సారించింది. 1xBet, FairPlay, Parimatch, Lotus365 వంటి నిషేధిత బెట్టింగ్ ప్లాట్‌ఫామ్‌లతో ప్రమోషనల్ సంబంధాలపై విచారణ జరుగుతుంది. ఈ దర్యాప్తులో భాగంగా భారత మాజీ క్రికెటర్లు హర్భజన్ సింగ్, యువరాజ్ సింగ్, సురేష్ రైనా, నటుడు సోను సూద్, నటి ఊర్వశి రౌతేలాను ప్రశ్నించినట్లు ఎన్‌ఫోర్స్‌మెంట్ డైరెక్టరేట్ ఉన్నత అధికారులు తెలిపారు.
"ఈ బెట్టింగ్ ప్లాట్‌ఫారమ్‌లు ప్రకటనల ప్రచారాలలో 1xbat, 1xbat స్పోర్టింగ్ లైన్‌ల వంటి ప్రత్యామ్నాయ పేర్లను ఉపయోగిస్తున్నాయి. ప్రకటనలలో తరచుగా వినియోగదారులను బెట్టింగ్ సైట్‌లకు దారి మళ్లించే QR కోడ్‌లు ఉంటాయి. ఇవి భారత చట్టాన్ని విరుద్ధం అని ఒక ఉన్నత అధికారి NDTV ప్రాఫిట్‌తో అన్నారు. ఈ ఆమోదాలు ఐటీ చట్టం, విదేశీ మారక ద్రవ్య నిర్వహణ చట్టం, మనీలాండరింగ్ నిరోధక చట్టం, బినామీ లావాదేవీల చట్టం లాంటి అనేక భారతీయ చట్టాలను ఉల్లంఘించవచ్చని ప్రాథమిక పరిశోధనలు సూచిస్తున్నాయి.
"కొంతమంది ప్రముఖులకు ఇప్పటికే నోటీసులు జారీ చేయబడ్డాయి, మరికొందరికి త్వరలో జారీ అయ్యే అవకాశం ఉంది" అని అధికారి తెలిపారు.హర్భజన్ సింగ్, సురేష్ రైనా మీడియా ప్రతినిధులు దీనిపై వ్యాఖ్యానించడానికి నిరాకరించారు. ప్రచురణ సమయంలో యువరాజ్ సింగ్, సోను సూద్, ఊర్వశి రౌతేలా నుంచి సమాధానం రావాల్సి ఉంది. ఎక్కువగా ప్రమోట్ చేయబడిన సంస్థలలో ఒకటిగా 1xBet ను ఎత్తి చూపారు. ఎన్‌ఫోర్స్‌మెంట్ డైరెక్టరేట్ అంచనాల ప్రకారం భారతదేశ అక్రమ ఆన్‌లైన్ బెట్టింగ్ మార్కెట్ $100 బిలియన్లకు పైగా ఉంది, ఇది ఏటా 30% పెరుగుతోంది.
►ALSO READ | Angelo Mathews: దిగ్గజానికి చివరి టెస్ట్.. మాథ్యూస్‌కు లంక క్రికెటర్లు గార్డ్ ఆఫ్ హానర్
దాదాపు 22 కోట్ల మంది భారతీయ వినియోగదారులకు బెట్టింగ్ యాప్ వాడుతున్నారని.. దాదాపు 11 కోట్ల మంది క్రమం తప్పకుండా ఆన్ లైన్ గేమ్స్ కు అలవాటుపడుతున్నారని అధికారులు భావిస్తున్నారు. ప్రముఖుల ప్రమేయం వల్ల చాలా మంది వినియోగదారులు జూదం ప్లాట్‌ఫామ్‌లను చట్టబద్ధమైన వినోదంగా తప్పుగా గుర్తించారని ED తెలిపింది. తెలంగాణలో ఆన్‌లైన్ బెట్టింగ్ కారణంగా 1,023 ఆత్మహత్యలు చేసుకున్నట్టు రిపోర్ట్స్ చెబుతున్నాయి.
