పట్టుమని పదేళ్లు కూడా లేవు.. కానీ బాల మేధావిగా పేరు తెచ్చుకున్నాడు. చిన్న వయస్సులోనే అసామాన్య ప్రతిభతో అబ్బుర పరుస్తున్నాడు. చదివేది యూకేజీ అయినా.. తండ్రి ప్రోత్సాహంతో దేశాలు, రాష్ట్రాలు, క్యాపిటల్సిటీస్, టెన్త్ నుంచి పీజీ వరకు ఉన్న ఆయా సబ్జెక్ట్స్, వాటిలోని ప్రశ్నలకు సమాధానాలు చెప్పి.. ‘ఇండియా బుక్ ఆఫ్ వరల్డ్ రికార్డ్స్’ సంస్థ నుంచి ఈ ఏడాది బాల మేధావి (ఎన్లైటెడ్) అవార్డును అందుకున్నాడు హార్ధిక్.
హన్మకొండలోని గోపాలపూర్కు చెందిన హార్ధి క్ ముంజమ్ యూకేజీ చదువుతున్నాడు. తండ్రి డాక్టర్ శ్రీనివాస్ ముంజమ్ కేయూలో డిపార్ట్మెంట్ఆఫ్ మైక్రోబయాలజీ ప్రొఫెసర్గా విధులు నిర్వహిస్తున్నారు. తల్లి ప్రియాంక ముంజమ్బ్యూటిషన్గా చేస్తున్నారు. మూడు సంవత్సరాల వయస్సులోనే హార్ధిక్ నర్సరీ సబ్జెక్ట్ను అలవోకగా చెప్పడాన్ని తండ్రి గమనించారు. కొడుకు జ్ఞాపక శక్తికి మరింత పదును పెట్టాలనే ఉద్దేశంతో ప్రతి రోజు మూడు గంటల సమయాన్ని అతడికే కేటాయించారు.
ఈ క్రమంలో118 రసాయన మూలకాలు, ఇండియాలో రాష్ట్రాలు, వాటి క్యాపిటల్ సిటీస్, 50 దేశాలకు సంబంధించిన జాతీయ జెండాల పేర్లు, వాటి రాజధానులు, ప్రయాణంలో భద్రతా సూచనలు, నీటి వనరులు, మ్యూజికల్ ఇన్స్ట్రుమెంట్స్, పుడ్ఐటమ్స్, సీరియల్స్, ఉభయ చరాల జంతువుల పేర్లు, రవాణ సంస్థలు, సంవత్సరాలు, నెలలు, మతాలు వారి దేవాలయాల పేర్లు, ఫలాలు, పక్షులు, దేశ నాయకులు, కంప్యూటర్ పరికరాల పేర్లు, ఇండియన్ ఫెస్టివల్స్, కులవృత్తులు, కూరగాయలు, కీటకాలు ఇలా పైన పేర్కొన్న ఏ అంశం గురించి అడిగినా టక్కున సమాధానం చెప్పేలా తండ్రి హార్ధిక్ ను తీర్చిదిద్దారు .
ప్రస్తుతం ఏడు సంవత్సారాలు ఉన్న చిన్నారి టాలెంట్ గురించి.. హరియాణా రాష్ట్రం పరియాద్లో ని ‘ఇండియా బుక్ ఆఫ్ వరల్డ్ రికార్డ్స్’నిర్వాహకులకు సమాచారం ఇచ్చారు. సంస్థ నిర్వాహకులు అడిగిన ప్రతి ప్రశ్నకు సమాధానం చెబుతూ.. ఆ బాలుడు అబ్బురపరిచాడు. ‘ఇండియా బుక్ ఆఫ్ వరల్డ్ రికార్డ్స్’ సంస్థ అతడిని బాలమేధావి(ఎన్లైటెడ్ మైనర్)గా గుర్తించి.. మెమొంటో, స్పెషల్ ఐడీకార్డు, రికార్డు సర్టిఫికెట్ అందించి సన్మానించింది.
సంతోషంగా ఉంది
నా కుమారుడి ప్రతిభను చూసి చాలా సంతోష పడుతున్నా. హార్థిక్ను భవిష్యత్లో మరింత తీర్చిదిద్దుతా. ఐక్యరాజ్యసమితి లోని సభ్య దేశాలు, వాటి రాజధానుల గురించి అవగాహన కల్పిస్తున్నా. ప్రస్తుతం 50 దేశాలు, వాటి రాజధానుల పేర్లు చెబుతున్నాడు. తర్వాత ఏషియన్ బుక్ ఆఫ్ వరల్డ్ రికార్డుతో పాటు గిన్నీస్ బుక్ ఆఫ్ వరల్డ్ రికార్డు సాధించడమే లక్ష్యంగాహార్ధిక్ ను తయారు చేస్తా.
– తండ్రి డాక్టర్ శ్రీనివాస్