హైదరాబాద్ లో భారీ అగ్ని ప్రమాదం జరిగింది. ఫిలింనగర్ పోలీస్ స్టేషన్ పరిధిలోని షేక్ పెట్ డివిజన్ లో ఫుట్ పాత్ మీద ఉన్న దుకాణాల్లో ఒక్కసారిగా మంటలు చెలరేగాయి. స్థానిక వ్యాపారస్తులు భయంతో పరుగులు తీశారు. వెంటనే ఫైర్ సిబ్బందికి సమాచారం ఇచ్చారు. విషయం తెలుసుకున్న అగ్నిమాపక సిబ్బంది ఘటనా స్థలానికి చేరుకుని మంటలను అదుపు చేశారు. ఈ ప్రమాదంలో ఎలాంటి ప్రాణనష్టం జరగలేదని పోలీసులు తెలిపారు. ఘటన పై కేసు నమోదు చేసుకున్న పోలీసులు విచారణ చేస్తున్నారు.
