సంజయ్ రావు హీరోగా మైక్ మూవీస్ నిర్మిస్తున్న కామికల్ ఎంటర్ టైనర్ సినిమా "స్లమ్ డాగ్ హస్బెండ్". ప్రణవి మానుకొండ హీరోయిన్ గా నటిస్తోంది. ఈ చిత్రంతో ప్రముఖ దర్శకుడు పూరీ జగన్నాథ్ శిష్యుడు డాక్టర్ ఏఆర్ శ్రీధర్ దర్శకుడిగా పరిచయం అవుతున్నారు. అప్పిరెడ్డి, వెంకట్ అన్నపరెడ్డి నిర్మాతలు. ఈ మూవీలో బ్రహ్మాజీ, సప్తగిరి కీలక పాత్రల్లో నటిస్తున్నారు.
ఈ సినిమా చిత్రీకరణ తుది దశలో ఉంది. ఈ నేపథ్యంలో తాజాగా ఈ సినిమా నుంచి ఫ్రస్టేషన్ సాంగ్ ను వదిలారు. ప్రముఖ దర్శకుడు అనిల్ రావిపూడి ఈ పాటను విడుదల చేశారు. పాట కాన్సెప్ట్ బాగుందన్న ఆయన.. మూవీ టీమ్ కు బెస్ట్ విషెస్ చెప్పారు. ఈ పాట ఎలా ఉందో చూస్తే.. ఇట్స్ ఏ మెడిటేషన్ సాంగ్ నహీ.. ఇరిటేషన్ సాంగ్ నహీ.. డిప్రెషన్ సాంగ్ నహీ.. ఇట్ ఈజ్ ఫ్రస్టేషన్ సాంగ్.. అంటూ సాగుతుంది. ఈ పాటకు పూర్ణా చారి సాహిత్యాన్ని అందించగా.. భీమ్స్ సిసిరోలియో స్వరపర్చి రాహుల్ సిప్లిగంజ్ తో కలిసి పాడారు. పెళ్లితో వచ్చే ఫ్రస్టేషన్ ను చెబుతూ ఈ సాంగ్ డిజైన్ చేశారు. ఈ పాటలో సునీల్ స్పెషల్ అప్పీయరెన్స్ చేయడం విశేషం.
