భారత వన్డే కెప్టెన్సీ మార్పు: శుభ్‌మన్ గిల్‌ ఔట్.. న్యూజిలాండ్ సిరీస్‌కి బిగ్ అప్‌డేట్!

Shreyas Iyer ODI Captain: న్యూజిలాండ్‌తో జరగనున్న ఐదు మ్యాచ్‌ల వన్డే సిరీస్‌లో భారత క్రికెట్ జట్టు యాజమాన్యం ఒక వ్యూహాత్మక నిర్ణయాన్ని తీసుకుంది. ఈ టూర్‌లో భాగంగా జరిగే చివరి రెండు వన్డేల్లో (4వ, 5వ వన్డే) రెగ్యులర్ వన్డే కెప్టెన్ శుభ్‌మన్ గిల్‌ స్థానంలో, భారత టీ20 సారథి శ్రేయస్ అయ్యర్ జట్టును నడిపించనున్నాడు. టెస్టు సిరీస్ కఠినమైన షెడ్యూల్ కారణంగానే బీసీసీఐ ఈ మార్పు చేసినట్లు తెలుస్తుంది. 

టెస్టు సిరీస్ కోసం ముందస్తు జర్నీ: 

అక్టోబర్ 22, 2026న ప్రారంభం అయ్యే ఐదు మ్యాచ్‌ల టీ20 సిరీస్‌తో భారత్– న్యూజిలాండ్ సుదీర్ఘ టూర్ షురూ కానుంది. ఆ తర్వాత జరగనున్న వన్డే సిరీస్‌లోని 5వ మ్యాచ్ నవంబర్ 15న మౌంట్ మౌంగనుయ్‌లో ముగుస్తుంది. అయితే, దీనికి కేవలం నాలుగు రోజుల వ్యవధిలోనే (నవంబర్ 19న) వెల్లింగ్టన్‌లో మొదటి టెస్టు మ్యాచ్ స్టార్ట్ కానుంది. 

* రెడ్ బాల్ ప్రాక్టీస్ కోసం: న్యూజిలాండ్‌లో అధికారిక వార్మప్ మ్యాచ్‌లు లేకపోవడంతో, రెడ్ బాల్‌తో ప్రాక్టీస్ చేయడానికి, అక్కడి పిచ్ పరిస్థితులకు అలవాటు పడటానికి మల్టీ-ఫార్మాట్ ప్లేయర్లు త్వరితగతిన వెల్లింగ్టన్ చేరుకోవాల్సి ఉంటుంది.

* 3వ వన్డే తర్వాత నిష్క్రమణ: రెగ్యులర్ కెప్టెన్ శుభ్‌మన్ గిల్‌తో పాటు జైస్వాల్, రాహుల్, బుమ్రా, నితీష్ కుమార్ రెడ్డి, ప్రసిద్ధ్ కృష్ణ, కుల్దీప్ యాదవ్, మహమ్మద్ సిరాజ్‌లు 3వ వన్డే పూర్తయిన వెంటనే వన్డే క్యాంప్ వీడి వెల్లింగ్టన్ వెళ్లిపోనున్నారు. 

విడిపోనున్న సపోర్ట్ స్టాఫ్: హెడ్ కోచ్ గౌతమ్ గంభీర్, మోర్నే మోర్కెల్, కోటక్, సుభాదీప్‌లలో ఇద్దరు కోచ్‌లు వన్డే జట్టుతో ఉండగా, మరో ఇద్దరు కోచింగ్ సిబ్బంది టెస్టు జట్టు ప్రాక్టీస్ కోసం వెల్లింగ్టన్ వెళ్తారు.

2027 ప్రపంచకప్‌కు ముందు బీసీసీఐ కీ డీసిషన్:

వన్డే జట్టు వైస్ కెప్టెన్‌గా ఉన్న శ్రేయస్ అయ్యర్‌కు ఈ రెండు వన్డేల్లో కెప్టెన్సీ అప్పగించడాన్ని సెలక్షన్ కమిటీ ఒక మంచి అవకాశంగా భావిస్తోంది. 2027 ఐసీసీ వన్డే ప్రపంచకప్‌ను దృష్టిలో పెట్టుకుని అయ్యర్ నాయకత్వ సామర్థ్యాలను పరిశీలించేందుకు ఇది దోహదపడుతుంది. అలాగే న్యూజిలాండ్ గడ్డపై శ్రేయస్ కు తిరుగులేని వన్డే రికార్డు ఉంది. కివీస్‌పై వన్డేల్లో అతడి సగటు 68 నుంచి 70 వరకు ఉండటం జట్టుకు అదనపు బలం.

శ్రేయస్ అయ్యర్ కెప్టెన్సీ ట్రాక్ రికార్డ్:  

* ఐపీఎల్ రికార్డు: ఐపిఎల్ చరిత్రలోనే 3 వేర్వేరు జట్లను ఫైనల్‌కు తీసుకెళ్లిన ఏకైక కెప్టెన్ శ్రేయస్ (2020లో ఢిల్లీ క్యాపిటల్స్, కేకేఆర్‌ను విజేతగా నిలబెట్టడం, రూ. 26.75 కోట్లకు కొనుగోలు చేసిన తర్వాత పంజాబ్ కింగ్స్‌ను 11 ఏళ్ల తర్వాత ఫైనల్‌కు చేర్చడం). ఐపీఎల్‌లో అత్యధికంగా 60.43% గెలుపు శాతం అతడి పేరిటే ఉంది.

* సయ్యద్ ముస్తాక్ అలీ ట్రోఫీ: 2024–25 సీజన్‌లో ముంబై జట్టును విజేతగా నిలిపాడు. ఈ టోర్నీలో కెప్టెన్‌గా 13 మ్యాచ్‌ల్లో 11 విజయాలతో 84.6 శాతం విన్ రేట్ సాధించాడు.

* టీ20ల్లో అంతర్జాతీయ రికార్డులు: జూన్ 2026లో భారత్ 15వ టీ20ఐ కెప్టెన్‌గా బాధ్యతలు చేపట్టిన శ్రేయస్, తొలి 12 మ్యాచ్‌లలో 11 టాస్‌లు గెలిచాడు (వరుసగా 8 టాస్‌లు గెలిచి ధోనీ 7 టాస్‌ల రికార్డును బద్దలు కొట్టాడు). 2026 ఇంగ్లాండ్ టూర్‌లో డర్హామ్‌లో 68 (48 బంతుల్లో) పరుగులు చేసి, ఇంగ్లాండ్ గడ్డపై టీ20ల్లో అర్ధశతకం సాధించిన తొలి భారత కెప్టెన్‌గా విరాట్ కోహ్లీ (47*) రికార్డును బ్రేక్ చేసేశాడు.