ఇకపై పాన్ కార్డు కోసం ఎక్కువ రోజులు ఎదురుచూడాల్సిన అవసరం లేదు. మీకు ఆధార్ కార్డు ఉన్నట్లయితే.. పాన్ నంబర్ వెంటనే వచ్చేస్తుంది. ఇందుకు సంబంధించి శనివారం ఆర్థిక మంత్రి నిర్మలా సీతారామన్ బడ్జెట్‌లో (బడ్జెట్ 2020) ఓ ప్రకటన చేశారు. ప్రభుత్వం ఈజీ ప్రొసెస్ తో పాన్ కార్డును ఆధార్ ఉన్న ప్రతీ ఒక్కరికి అందజేయనుందని ఆర్థిక మంత్రి ప్రకటించారు. ఆధార్ కార్డు ఆధారంగా ప్రభుత్వం ఓ కొత్త సిస్టమ్ ను ప్రవేశపెడుతుందని, దీంతో ఆధార్ కార్డు ఉన్న వ్యక్తులకు ఇన్‌స్టంట్ గా పాన్ కార్డు కేటాయించడం జరుగుతుందని ఆమె చెప్పారు. ఈ ప్రొసెస్ వల్ల పాన్ కార్డు కోసం నెల రోజులు ఎదురుచూడాల్సిన బాధ తప్పుతుంది.
