మాదాపూర్, వెలుగు: మాదాపూర్లో భూమి ధరలు అకాశాన్నంటాయి. గజం లక్షలు పలికే మాదాపూర్లో స్థలం కనబడితే కబ్జాదారులు వదిలిపెట్టడం లేదు. శ్మశానవాటికను సైతం వదలకుండా రాత్రికిరాత్రే మట్టిపోసి కబ్జాలకు పాల్పడుతున్నారు. మాదాపూర్ఖానామేట్చంద్రనాయక్తండాలో గిరిజనులకు చెందిన 35 గుంటల శ్మశానవాటిక స్థలం ఉంది. దీనిని కబ్జా చేసేందుకు మంగళవారం రాత్రి మట్టి పోసి చదును చేశారు. సమాచారం అందుకున్న స్థానికులు సంఘటన స్థలానికి చేరుకొని కబ్జాదారులను అడ్డుకున్నారు. ఈ ఘటనపై స్థానికులు శివనాయక్, తారునాయక్, హున్యానాయక్లు మాదాపూర్ పోలీసులకు ఫిర్యాదు చేశారు. ఈ మేరకు ఇద్దరు వ్యక్తులపై కేసు నమోదు చేసినట్టు ఎస్సై వీరప్రసాద్ తెలిపారు.
