హైదరాబాద్, వెలుగు : టీడీపీ రాష్ట్ర అధ్యక్షుడు కాసాని జ్ఞానేశ్వర్ త్వరగా కోలుకోవాలని హర్యానా గవర్నర్ బండారు దత్తాత్రేయ ఆకాంక్షించారు. ఇటీవల స్వల్ప అస్వస్థతకు గురై ఆస్పత్రిలో చికిత్స పొందిన జ్ఞానేశ్వర్ను దత్తాత్రేయ శుక్రవారం అమీర్‌‌పేట శ్రీనివాస కాలనీలో ఆయన ఇంటికి వెళ్లి పరామర్శించారు. ఆయనను దత్తాత్రేయ ఆప్యాయంగా ఆలింగనం చేసుకొని పలకరించారు.
ALSO READ: జర్నలిస్టులను బ్యాన్ చేసుడేంది? : రాణి రుద్రమ
ఆయన ఆరోగ్య పరిస్థితిని అడిగి తెలుసుకున్నారు. త్వరగా కోలుకుని సంపూర్ణ ఆరోగ్యంతో ప్రజా జీవితంలో చురుకుగా పాల్గొనాలని కోరుకున్నారు. ఈ సందర్భంగా సమకాలీన రాజకీయ పరిస్థితులపై చర్చించారు. జ్ఞానేశ్వర్ తన పాత మిత్రుడని దత్తాత్రేయ తెలిపారు.
