ఎండాకాలం ఐస్ క్రీం తింటుంటే ఎంతో హాయిగా అనిపిస్తుంది. కూల్ .. కూల్ గా లోపలికి వెళ్తుంటే ఆ ఆనందమే వేరు కదా.. పిల్లలు ఐస్ క్రీం అడుగుతుంటే తల్లిదండ్రులు తినకుండా ఆపేస్తారు.. అయినా సరే పిల్లలు మారాం చేస్తుంటారు. ఇలా ఐస్క్రీమ్ను తినకుండా నిరోధించే తల్లిదండ్రులు నేషనల్ డైరీ రీసెర్చ్ ఇన్స్టిట్యూట్ (NDRI) ఓ సూచన చేసింది.
పిల్లలు ఆరోగ్యంగా ఉండాలంటే పోషక పదార్దాలు కలిగిన ఆహారం ఇవ్వాలి. పోషకాహారం లోపిస్తే అనేక అనారోగ్య సమస్యలతో ఇబ్బంది పడాల్సి వస్తుంది. కొత్తగా NDRI కొన్ని రకాల పోషక విలువలతో ఐస్ క్రీం తయారు చేసిందని నేషనల్ డైరీ రీసెర్చ్ ఇన్స్టిట్యూట్ (ఎన్‌డిఆర్‌ఐ) డైరెక్టర్ డాక్టర్ ధీర్ సింగ్ తెలిపారు. పోషకాహార లోపంతో బాధపడేవారు దీనిని తింటే చాలా ప్రయజనం ఉందన్నారు. ప్రస్తుతం ఈ ఐస్ క్రీమ్ సిద్దంగా ఉందని త్వరలోనే మార్కెట్ లోకి విడుదల చేస్తామన్నారు.
ప్రస్తుతం బయట లభించే ఐస్ క్రీమ్స్ లో 3.5 శాతం వరకు ప్రోటీన్స్ ఉంటాయని.. కాని NDRI తయారు చేసిన ఐస్ క్రీమ్ లో 8 నుంచి 10 శాతం వరకు ప్రోటీన్స్ ఉంటాయని డైరక్టర్ తెలిపారు. ఎక్కువ ప్రోటీన్స్ ఉండే ఐస్ క్రీమ్స్ తింటే పోషకాహార లోపంతో బాధపడే పిల్లలకు చాలా మంచిది. ఈ ఐస్ క్రీమ్అందరూ తినేలా.. మంచి రుచితో.. పోషకాహార విలువలు ఎక్కువుగా ఉండే ఫార్ములా సిద్దంగా ఉందని NDRI తెలిపింది. ఈ ఫార్ములాతో ఇన్స్టిట్యూట్ లో తయారు చేశామన్నారు. ఈ ఫార్ములాతో ఐస్ క్రీమ్ను తయారు చేయడానికి మూడేళ్లు పట్టిందని ఐస్ క్రీమ్ మేకింగ్ టీమ్‌ డాక్టర్. SA హుస్సేన్, డాక్టర్ రిత్ధమ్ ప్రసాద్ , డాక్టర్ యోగేష్ ఖేత్రా అన్నారు.
NDRI తయారు చేసిన పోషకాల ఐస్ క్రీమ్ ఫార్ములాను విక్రయించేందుకు సిద్దంగా ఉన్నామని డాక్టర్ ధీర్ సింగ్ తెలిపారు. ఈ ఫార్ములాను కొనేందుకు పెద్ద ఐస్‌క్రీమ్ కంపెనీ హట్సన్ NDRIని సంప్రదించింది. ఇంకా అనేక కంపెనీలు కూడా సంప్రదిస్తున్నాయని తెలిపారు. డీల్ కుదిరిన తరువాత ఆ కంపెనీ సిబ్బందికి నేషనల్ డైరీ రీసెర్చ్ ఇన్స్టిట్యూట్ (ఎన్‌డిఆర్‌ఐ) శిక్షణ ఇవ్వనున్నారు. ఆ తరువాత లైసెన్స్ ప్రక్రియ పూర్తిచేసిన కంపెనీ ఈ ఐస్క్రీమ్ను మార్కెట్లోకి విడుదల చేస్తుందన్నారు.
