సంగారెడ్డి జిల్లాలో ఘోర అగ్ని ప్రమాదం చోటు చేసుకుంది. పఠాన్ చెరు బీరంగూడలో ఆగి ఉన్న డీసీఎంలో మంటలు చెలరేగాయి. ఈ సమయంలో డీసీఎం, కారు, ఓ మినీబస్సులు పక్కనే పార్క్ చేయడంతో వాటికి మంటలు వ్యాపించాయి. ఈ మంటల్లో డీసీఎంతో సహ కారు, మినీబస్సు కాలిపోయాయి. అగ్నిమాపక సిబ్బంది ఘటనా స్థలానికి చేరుకుని మంటలను ఆర్పివేశారు. కరెంట్‌ ఆయిల్‌ తీసుకెళ్తున్న డీసీఎంలో మంటలు చెలరేగడంతోనే ఈ ప్రమాదం జరిగినట్లు పోలీసులు తెలిపారు. ప్రమాదంలో ఎవ్వరికీ ఎలాంటి ప్రాణనష్టం జరగలేదని చెప్పారు.
