టీఆర్ఎస్ పార్టీ వర్కింగ్ ప్రెసిడెంట్ కేటీఆర్ నేడు సిరిసిల్లలో నూతనంగా నిర్మించిన డా. సి.నారాయణ రెడ్డి స్మారక మందిరాన్ని, జిల్లా గ్రంధాలయ భవనాన్ని ప్రారంభించారు. ఈ రోజు సిరిసిల్లలో పర్యటిస్తున్న కేటీఆర్.. పర్యటనలో భాగంగా అంబేద్కర్ చౌరస్తాలోని రూ.3.55 కోట్లతో నిర్మించిన సినారే స్మారక లైబ్రరీని ప్రారంభించారు. ఈ సందర్భంగా ఏర్పాటు చేసిన సమావేశంలో కేటీఆర్ మాట్లాడుతూ.. రాష్ట్రంలో ఇంత కన్నా గొప్ప లైబ్రరీ లేదన్నారు. ఈ గ్రంథాలయాన్ని ఉద్యోగ, ఉపాధ్యాయ సంఘాల ప్రతినిధులు సద్వినియోగం చేసుకోవాలన్నారు. కవులు, కళాకారులు ఈ లైబ్రరీని ఒక వేదికగా వాడుకోవాలని చెప్పారు. లైబ్రరీని రాజకీయ కార్యకలాపాలకు వేదికగా వాడుకోవద్దన్నారు. గ్రంథాలయానికి సినారె పేరు పెట్టడం ఆయనకు నిజమైన నివాళిగా పేర్కొన్నారు. ఈ టెక్నాలజీ యుగంలో పుస్తకాల్ని బతికించడం కోసం చిరు ప్రయత్నంగా కేటీఆర్ అభివర్ణించారు.
