- నిజామాబాద్, జగిత్యాల, నెల్లూరు యువకులకు నిషేధిత పీఎఫ్ఐతో లింకులు ఉన్నట్లు నిర్ధారణ
నిజామాబాద్, వెలుగు: కేంద్ర ప్రభుత్వం నిషేధించిన పాపులర్ ఫ్రంట్ఆఫ్ ఇండియా (పీఎఫ్ఐ)తో సంబంధాలు ఉన్నాయంటూ నిజామాబాద్ మాలేపల్లికి చెందిన మహ్మద్ అబ్దుల్ అహ్మద్ అలియాస్ ఎంఏ అహ్మద్ను జాతీయ దర్యాప్తు సంస్థ(ఎన్ఐఏ) మోస్ట్వాటెండ్ లిస్ట్లో చేర్చింది. అతడిపై లుక్ఔట్ నోటీస్జారీ చేసినట్లు ఆదివారం జిల్లా పోలీసు కమిషనరేట్కు సమాచారం అందింది. అతడితో పాటు జగిత్యాలకు చెందిన అబ్దుల్సలీం, ఏపీలోని నెల్లూరు జిల్లా బుచ్చిరెడ్డిపాలేనికి చెందిన షేక్ ఇలియాస్ అహ్మద్ను మోస్ట్ వాటెండ్ లిస్ట్లో చేర్చామని.. ఆ ముగ్గురి ఆచూకీ తెలిపిన వారికి తగిన పారితోషికం ఇస్తామని ఎన్ఐఏ వెల్లడించింది.
పేద విద్యార్థుల చదువుకు సహకరించే సంస్థగా ప్రచారం చేసుకున్న పీఎఫ్ఐ నగరంలో యువతను టెర్రరిజం వైపు మళ్లేలా ట్రైనింగ్ఇస్తోందని 2022 జులైలో తేలింది. ఈ మేరకు షేక్షాదుల్లా, అబ్దుల్ ఖాదర్లపై నిజామాబాద్ పోలీసులు ఎఫ్ఐఆర్నమోదు చేశారు. విచారణలో మొత్తం 28 మంది పేర్లు బయటకొచ్చాయి. నిజామాబాద్కేంద్రంగా 400 మందికి పీఎఫ్ఐ ట్రైనింగ్ఇచ్చారని తేల్చిన జిల్లా పోలీసులు కేసును ఆగస్టు నెలలో ఎన్ఐఏకు అప్పగించారు. ఎన్ఐఏ ఆఫీసర్లు నిజామాబాద్ తో సహా తెలుగు రాష్ట్రాల్లోని పలు ప్రాంతాల్లో అనుమానితులను అదుపులోకి తీసుకున్నారు
