గద్వాల, వెలుగు: లైంగిక వేధింపులు భరించలేక ఓ వివాహిత ఆత్మహత్య చేసుకుంది. జోగులాంబ గద్వాల జిల్లా ధరూర్ మండలం మార్లబీడు గ్రామానికి చెందిన రేణుక(20)ను జాముపల్లె గ్రామానికి చెందిన గోపాల్ కు ఇచ్చి మూడేళ్ల కిందట వివాహం చేశారు. అదే గ్రామానికి చెందిన వీరేశ్ ఆమెను లైంగికంగా వేధిస్తున్నాడు. వేధింపులు తీవ్రమై భర్తకు విషయం తెలియడంతో ఆమెను పుట్టింటికి పంపించేశాడు. మార్లబీడుకు వచ్చినా వేధింపులు తగ్గలేదు. బుధవారం వీరేశ్ ఆమె ఇంటికి వెళ్లి మరీ బెదిరించాడు. దీంతో బుధవారం సాయంత్రం పోలీసులకు ఫిర్యాదు చేసింది. ఇంటికి తిరిగి వస్తుండగా వీరేశ్ కుటుంబసభ్యులు ఆమెపై దాడి చేశారు. మనస్తాపానికి గురైన రేణుక ఇంటికి చేరుకోగానే పురుగుల మందు తాగింది. కుటుంబసభ్యులు గమనించి హాస్పిటల్ కు తీసుకెళ్లగా పరిస్థితి విషమించడంతో మృతిచెందింది. వీరేశ్తో పాటు కుటుంబసభ్యులపై కేసు నమోదు చేసినట్లు గద్వాల సీఐ షేక్ మహబూబ్ బాషా చెప్పారు.
