పెద్దపల్లి, వెలుగు: పెద్దపల్లి బీఆర్ఎస్ లీడర్లకు ఎమ్మెల్సీ కవిత ఝలక్ ఇచ్చారు. ఆమె శుక్రవారం మంచిర్యాలకు వెళ్తూ పెద్దపల్లి జిల్లా కేంద్రంలో కొద్దిసేపు ఆగి, తెలంగాణ తల్లి విగ్రహానికి పూలమాల వేశారు. కవిత వస్తున్నారనే సమాచారంతో దాదాపు 100 మందికి పైగా బీఆర్ఎస్ నేతలు, కార్యకర్తలు తెలంగాణ తల్లి విగ్రహం వద్దకు చేరుకున్నారు. కొంతసేపటి తర్వాత బీసీ ఆజాదీ ఫెడరేషన్ (బీసీఏఎఫ్) నాయకులు అక్కడికి వచ్చారు. ఈ క్రమంలో ఓవైపు బీఆర్ఎస్ లీడర్లు, మరోవైపు బీసీఏఎఫ్ నాయకులు రెండు గ్రూపులుగా విడిపోయారు. కవిత తెలంగాణ తల్లి చౌరస్తాకు చేరుకోగానే బీసీఏఎఫ్ నాయకులు ఆమెకు పూలదండలు వేసి ఆహ్వానించారు. వాళ్లకు నమస్తే పెడ్తూ పేరుపేరునా పలకరించిన కవిత.. పక్కనే ఉన్న బీఆర్ఎస్లీడర్లను మాత్రం పట్టించుకోలేదు.
బీసీఏఎఫ్ నాయకులతో కలిసి పైకిఎక్కి తెలంగాణ తల్లి విగ్రహానికి పూలమాల వేశారు. దీంతో బీఆర్ఎస్ లీడర్లు ఒక్కసారిగా షాక్‌‌‌‌‌‌‌‌కు గురయ్యారు. బీఆర్ఎస్ నేతల్లో మాజీ కౌన్సిలర్లు, సీనియర్ లీడర్లు ఉన్నా కూడా కవిత పలకరించకపోవడంతో తీవ్ర అసంతృప్తికి గురయ్యారు. కనీసం కిందకు దిగిన తర్వాత అయినా కవిత మాట్లా డుతుందని బీఆర్ఎస్ క్యాడర్ ఆశించినా నిరాశే మిగిలింది. తెలంగాణ తల్లి విగ్రహానికి పూలమాల వేసి కిందికి దిగిన కవిత.. బీఆర్ఎస్ లీడర్లను పట్టించుకోకుండా, మీడియాతో మాట్లాడకుండా కారెక్కి వెళ్లిపోయారు.
