వీడియోల్ని రీల్స్గా ...
కంటెంట్ క్రియేటర్స్ రోజుకు వందల కొద్దీ వీడియోలు, రీల్స్ ఇన్స్టాగ్రామ్లో పెడుతుంటారు. వాటిలో పది సెకన్ల నుంచి 15 నిమిషాల వీడియోలు ఉంటాయి. వీడియోలను రీల్స్గా షేర్ చేసుకొనే ఫీచర్ తేబోతుంది ఇన్స్టాగ్రామ్. ఈ కొత్త ఫీచర్ ద్వారా పావుగంట కంటే తక్కువ నిడివి ఉన్న వీడియోలను రీల్స్గా షేర్ చేయొచ్చు. దాంతో కంటెంట్ క్రియేటర్స్ పాపులర్ వీడియోలని రీల్స్గా షేర్ చేసుకోవచ్చు. అయితే ఇంతకు ముందు పోస్ట్ చేసిన వీడియోలని రీల్స్గా షేర్ చేసుకోవడం కుదరదు. అంతేకాదు త్వరలోనే ‘డ్యుయల్’ ఫీచర్ తేనుంది ఇన్స్టాగ్రామ్. ఈ ఫీచర్ వస్తే... ఒకేసారి ఫ్రంట్, బ్యాక్ కెమెరాతో కంటెంట్, ఎక్స్ప్రెషన్స్ని రికార్డ్ చేయొచ్చు.
ఫొటోల రీమిక్స్
ఇన్స్టాగ్రామ్లో ఫొటోలు, రీల్స్ని రీమిక్స్ చేసే ఫీచర్ రాబోతోంది. ఇప్పటివరకైతే కంటెంట్ క్రియేటర్స్ రీల్స్, వీడియోలనే రీమిక్స్ చేసే ఫెసిలిటీ ఉంది. ఇప్పుడు ఫొటోల్ని కూడా రీమిక్స్ చేయొచ్చు. ఈ కొత్త ఫీచర్ ఉంటే... ఫొటోల్ని రీమిక్స్ చేసేటప్పుడు కొత్త లే–అవుట్స్ వాడొచ్చు. అంతేకాదు ఎవరి అకౌంట్ నుంచైనా ఫొటోలు తీసుకుని రీమిక్స్ వీడియోలు చేయొచ్చు. ఫొటోలు పోస్ట్ చేసేటప్పుడు రీమిక్స్ ఫీచర్ డీఫాల్ట్గా కనిపిస్తుంది కూడా. ఇంట్రెస్టింగ్ రీమిక్స్ వీడియోలు చేసేందుకు ఈ ఫీచర్ ఉపయోగపడుతుంది.