ఇబ్రహీంపట్నం(రంగారెడ్డి), వెలుగు: గొంతులో గుడ్డు ఇరుక్కొని ఓ వ్యక్తి మృతి చెందిన ఘటన రంగారెడ్డి జిల్లాలో చోటుచేసుకుంది. ఇబ్రహీంపట్నంలోని ఆర్టీసీ డిపో ఎదురుగా ఉన్న శ్రీరామ వైన్స్ పర్మిట్ రూంలో యాచారం మండలం గున్గల్కు చెందిన మచ్చ యాదయ్య(45) సహాయకుడిగా పనిచేస్తున్నాడు. గురువారం వైన్స్లో మద్యం తాగి కోడి గుడ్డు తింటుండగా అది గొంతులో ఇరుక్కుని అక్కడే కుప్పకూలిపోయాడు. వెంటనే ఆసుపత్రికి తరలించగా అప్పటికే యాదయ్య చనిపోయినట్లు డాక్టర్లు వెల్లడించారు. పోలీసులు కేసు నమోదు చేసి దర్యాప్తు చేస్తున్నారు.
