ఫ్యామిలీ ఎమోషన్స్, సోషల్ ఇష్యూస్తో సినిమాలు చేసే కృష్ణవంశీ.. ఈసారి థియేటర్ ఆర్టిస్టుల జీవితం ఆధారంగా ‘రంగమార్తాండ’ చిత్రం రూపొందించారు. ప్రకాష్ రాజ్, రమ్యకృష్ణ, బ్రహ్మానందం లీడ్ రోల్స్ చేస్తున్నారు. ఇళయరాజా సంగీతం అందిస్తున్నారు. మరాఠీ క్లాసిక్ మూవీ ‘నట సమ్రాట్’కి ఇది రీమేక్. ఇటీవల చిరంజీవి వాయిస్ ఓవర్ ఇచ్చిన ఓ షాయరీని విడుదల చేసిన మేకర్స్, ఇప్పుడు ఒక్కొక్క లీడ్ యాక్టర్కి సంబంధించి పాత్రలను పరిచయం చేస్తున్నారు.
ఇందులో రాఘవరావు అనే థియేటర్ ఆర్టిస్ట్ క్యారెక్టర్లో ప్రకాష్ రాజ్ కనిపించనున్నట్టు రీసెంట్గా రివీల్ చేశారు. గురువారం రాజుగారుగా రమ్యకృష్ణ పాత్రను పరిచయం చేశారు. ఇది మన అమ్మానాన్నల కథ అంటూ పోస్టర్స్, వీడియోస్పై రాసుండడం సినిమాపై ఆసక్తిని పెంచుతోంది. శివాత్మిక రాజశేఖర్, రాహుల్ సిప్లిగంజ్ ఇతరపాత్రలు పోషిస్తున్న ఈ చిత్రాన్ని హౌస్ ఫుల్ మూవీస్, రాజశ్యామల ఎంటర్టైన్మెంట్స్ సంస్థలు నిర్మిస్తున్నాయి. అతి త్వరలో ఈ చిత్రం విడుదల కానుంది.