మాస్ మహారాజ్ రవితేజ(Raviteja) నుండి వస్తున్న లేటెస్ట్ పాన్ ఇండియా మూవీ టైగర్ నాగేశ్వరరావు(Tiger Nageswararao). స్టువర్టుపురం గజదొంగ టైగర్ నాగేశ్వరరావు జీవిత కథ ఆధారంగా తెరకెక్కుతున్న ఈ సినిమాను దర్శకుడు వంశీ(Vamssee) తెరకెక్కిస్తున్నారు. బాలీవుడ్ బ్యూటీ నురూప్ సనన్ హీరోయిన్ గా నటిస్తున్న ఈ సినిమా అక్టోబర్ 20న రిలీజ్ కానుంది. ఇప్పటికే సినిమా నుండి రిలీజైన పోస్టర్స్ అండ్ వీడియోస్ సినిమాపై అంచనాలు పెంచేశాయి. ఏ సినిమా నటి రేణు దేశాయ్ ఒక ఇంపార్టెంట్ రోల్ చేస్తున్న విషయం తెలిసిందే.
తాజాగా ఈ సినిమా నుండి ఆమె లుక్ రివీల్ చేశారు మేకర్స్. ఇందులో రేణు దేశాయ్ హేమలత లవణం అనే పాత్రలో కనిపించనున్నారు. దీనికి సంబంధించి ఒక పోస్టర్ కూడా రిలీజ్ చేశారు. ఈ పోస్టర్ లో రేణు తెల్ల చీర కట్టుకొని, ఒళ్ళో బాబుని ఎత్తుకొని కనిపించారు. ఈ పోస్టర్ ఆడియన్స్ లో ఆసక్తిని పెంచుతోంది. చాలా కాలం తరువాత రేణు దేశాయ్ తెరపై కనిపిస్తుండటంతో ఆమె ఫ్యాన్స్ ఈ సినిమా కోసం ఈగర్ గా వెయిట్ చేస్తున్నారు. మరి ఈ సినిమాతో ఆమె స్ట్రాంగ్ కంబ్యాక్ ఇస్తారో చూడాలి.
