- మోడీ థాలీకి భలే గిరాకీ
- చాలెంజ్లో నెగ్గినోళ్లకు రూ. 8.50 లక్షల ప్రైజ్ మనీ
- ఢిల్లీ రెస్టారెంట్ బంపర్ ఆఫర్
న్యూఢిల్లీ, వెలుగు: ఢిల్లీకి చెందిన ఓ రెస్టారెంట్ యజమాని ప్రధాని నరేంద్ర మోడీపై తనకున్న అభిమానాన్ని చాటుకున్నాడు. ‘మోడీ బాహుబలి 56 థాలీ’ పేరుతో ప్రధానికి బర్త్ డే గిఫ్ట్ ఇచ్చాడు. ఆ థాలీ తిన్నోళ్లకు రూ.8.5 లక్షల ప్రైజ్ ప్రకటించారు. సెప్టెంబర్ 17న మోడీ పుట్టిన రోజును పురస్కరించుకుని ఢిల్లీ కన్నాట్‌‌ప్లేస్‌‌లోని ‘అర్డోర్ 2.0’ రెస్టారెంట్ యజమాని సమిత్ కల్రా ఈ థాలీని అందుబాటులోకి తెచ్చారు. వాస్తవానికి ఈ థాలీని మోడీకే బహుమతిగా ఇవ్వాలని, ఆయన తమ రెస్టారెంట్కు రావాలని కోరుకున్నారు. కానీ, సెక్యూరిటీ కారణాల వల్ల ఆ థాలీని అభిమానులకు కేటాయించారు.
ఛెప్పన్ ఇంచ్కా ఛాతీ
ఛెప్పన్ ఇంచ్ కా ఛాతీ ‘56 అంగుళాల ఛాతీ కలిగిన మోడీ జీ’ పేరుతో గ్రాండ్ థాలీని తయారు చేశారు. ఇందులో 56 రకాలు వంటకాలు ఉంటాయి. వెజ్(రూ.2600), నాన్‌ వెజ్(రూ.2900) రకాల్లో ఏదో ఒకదానిని ఎంచుకోవచ్చు. ఒక్కరైనా, జంటగా అయినా ఈ థాలీని ఆరగించొచ్చు. అయితే, దీనిని 40 నిమిషాల్లోగా పూర్తి చేసినోళ్లకు రూ.8.5 లక్షల ప్రైజ్ మనీ ఆఫర్ పెట్టారు. లక్కీ డ్రాలో గెలిచినోళ్లకు కేదార్‌‌నాథ్‌‌కు ఫ్రీ ట్రిప్ ఆఫర్ చేస్తున్నారు. దీంతో థాలీ టేస్ట్ చూసేందుకు ఫుడ్ లవర్స్ రెస్టారెంట్కు క్యూ కడుతున్నారు. థాలీ తినేందుకే తన స్నేహితుడితో కలిసి బెంగళూరు నుంచి ఢిల్లీ వచ్చినట్లు యూట్యూబర్ లోహిత్ ‘వీ6 వెలుగు’తో పంచుకున్నారు.
