హైదరాబాద్, వెలుగు: రాష్ట్రంలోని కార్పొరేట్, ప్రైవేటు స్కూళ్లలో ఫీజులను నియంత్రించాలని ఎస్ఎఫ్ఐ రాష్ట్ర కార్యదర్శి టి.నాగరాజు కోరారు. బుధవారం ఆయన ఎస్ఎఫ్ఐ రాష్ట్ర నాయకులు బి.శంకర్, అశోక్ రెడ్డి, రమేశ్ తదితరులతో కలిసి సచివాలయం వెళ్లి విద్యాశాఖ కార్యదర్శి వాకాటి కరుణను కలిశారు. ఈ అంశంపై వినతిపత్రం అందజేశారు.
ఈ సందర్భంగా నాగరాజు మాట్లాడుతూ... ప్రైవేటులో ఫీజుల నియంత్రణకు ప్రత్యేక చట్టం తీసుకురావాలని డిమాండ్ చేశారు. కేజీబీవీలు, మోడల్ స్కూళ్లలోని సమస్యలు పరిష్కరించాలని కోరారు. మన ఊరు మన బడి పనులను స్పీడప్ చేయాలని, పెండింగ్ లో ఉన్న బిల్లులను రిలీజ్ చేయాలని నాగరాజు పేర్కొన్నారు.
