పర్వతగిరి, వెలుగు: వీధి కుక్క దాడి చేయడంతో ఓ వ్యక్తి వేలు తెగిపోయింది. వరంగల్ జిల్లా పర్వతగిరి మండలం కల్లెడలో ఈ ఘటన జరిగింది. గ్రామానికి చెందిన చిరుత సతీశ్ క్రషర్ కంపెనీలో డ్రైవర్గా పనిచేస్తున్నాడు. సోమవారం ఉదయం ఇంటి వద్ద స్నానం చేసేందుకు నీళ్లు పోసుకుంటుండగా వీధి కుక్క ఒక్కసారిగా వెనుక నుంచి వచ్చి అతనిపై దాడి చేసింది. కుక్కను తప్పించుకునేందుకు సతీశ్ చేతులతో నెట్టే ప్రయత్నం చేయగా, కుక్క అతని ఎడమచేతి ఉంగరం వేలిని బలంగా కొరకడంతో అది తెగి కిందపడింది.
కుడిచేతికి కూడా గాయాలయ్యాయి. స్థానికులు వరంగల్ ఎంజీఎం హాస్పిటల్కు తరలించారు. తెగిపోయిన వేలు అతికించడం సాధ్యం కాదని చెప్పిన డాక్టర్లు.. ప్రథమ చికిత్స చేసి ఇంటింటి పంపించారు. ఇదే కుక్క రెండు రోజుల క్రితం బూర్గుమడ్లలో ఓ మహిళపై దాడి చేసి తీవ్రంగా గాయపరిచినట్లు స్థానికులు తెలిపారు.
