వేసవిలో చర్మం ఆరోగ్యంగా ఉండాలంటే స్కిన్ కేర్ తప్పనిసరి. రెగ్యులర్గా చర్మానికి క్లెన్సింగ్, టోనింగ్, మాయిశ్చరైజింగ్ చేయడం మర్చిపోవద్దు. ఈ సీజన్లో స్కిన్ సాఫ్ట్గా ఉండేందుకు ఏం చేయాలంటే...
- చర్మం హెల్దీగా ఉండాలంటే బ్యాలెన్స్డ్ డైట్ ముఖ్యం. ప్రొటీన్లు, మినరల్స్ ఉన్న ఫుడ్, పండ్లు కొల్లాజెన్ ఉత్పత్తిని పెంచుతాయి. దాంతో చర్మం లేతగా ఉంటుంది. అంతేకాదు ఇవి అల్ట్రావయెలెట్ కిరణాల నుంచి చర్మాన్ని కాపాడతాయి.
- సరిపోను నీళ్లు తాగకుంటే చర్మం పొడిబారుతుంది. మొటిమలు, మచ్చలు ఏర్పడకుండా ఉండాలన్నా, స్కిన్ ఫ్రెష్గా కనిపించాలన్నా నీళ్లు బాగా తాగాలి. నీళ్లు ఒంట్లోని టాక్సిన్లని బయటకు పంపి, చర్మాన్ని మెరిసేలా చేస్తాయి.
- రోజూ అప్పుడప్పుడు కొంచెం సేపు గట్టిగా నవ్వినా కూడా చర్మం బాగుంటుంది. నవ్వినప్పుడు చర్మకణాల్లో రక్తప్రసరణ పెరిగి, కణాలకి ఆక్సిజన్తో పాటు పోషకాలు సరిపోను అందుతాయి. చర్మం కాంతిమంతంగా కనిపిస్తుంది.
- వర్కవుట్లు చేసేటప్పుడు ఎండార్ఫిన్లు అనే కెమికల్స్ విడుదలవుతాయి. ఇవి పాజిటివ్ ఫీలింగ్స్కి కారణమవుతాయి. అప్పుడు మనసులోని సంతోషం ముఖంలో కనిపిస్తుంది. దాంతో, స్కిన్ హెల్దీగా ఉంటుంది.
