పశ్చిమబెంగాల్ సీఎం మమతా బెనర్జీ దాఖలు చేసిన నామినేషన్ పై ఆమె ప్రత్యర్థి, బీజేపీ నేత సువేందు అధికారి అభ్యంతరం వ్యక్తం చేశారు. మమతపై ఆరు క్రిమినల్ కేసులు ఉన్నాయని... వాటిని అఫిడవిట్ లో ఆమె తెలపలేదని అన్నారు. ఈ విషయమై తాను ఇప్పటికే ఎన్నికల సంఘానికి ఫిర్యాదు చేశానని అన్నారు. 2018లో ఐదు FIR లు, CBI ఒక FIR దాఖలు చేసిందని అన్నారు సువేందు.
ఈ FIR లను తొలగించాలని కోరుతూ మమతా బెనర్జీ కోల్ కతా హైకోర్టును ఆశ్రయించారని... అయితే ఆమె అభ్యర్థనను కోర్టు తిరస్కరించిందని చెప్పారు సువేందు అధికారి. ఆమెపై ఉన్న కేసులకు సంబంధించి సాక్ష్యాలను కూడా ఈసీకి సమర్పించానని... ఈ అంశంపై ఈసీ సరైన చర్యలు తీసుకుంటుందని భావిస్తున్నట్లు తెలిపారు.
