తెలంగాణ ప్రభుత్వం ప్రతిష్టాత్మకంగా నిర్మించ తలపెట్టిన సెక్రటేరియట్ నూతన భవన నిర్మాణానికి సంబంధించిన టెండర్ల దాఖలు గడువును పొడిగించింది. అక్టోబర్ 1వ తేదీతో ముగియాల్సిన టెండర్ల దాఖలు గడువును అక్టోబర్ 13వ తేదీ వరకు పొడిగిస్తూ ఉత్తర్వులు జారీ చేసింది. ఆ రోజు సాయంత్రం నాలుగు గంటల వరకు టెండర్లు స్వీకరించాలని అధికారులకు సూచించింది. దాదాపు రూ. 500 కోట్లతో సచివాలయ భవన సముదాయ నిర్మాణానికి రోడ్లు- భవనాల శాఖ ఇప్పటికే టెండర్లు పిలిచింది. కాగా.. టెండర్ల దాఖలు గడువు పొడిగించడంతో.. నేడు జరగాల్సిన ప్రీబిడ్ సమావేశాన్ని కూడా వాయిదా వేశారు. దాంతో ప్రీబిడ్ సమావేశాన్ని వచ్చే నెల ఏడో తేదీన నిర్వహించాలని నిర్ణయించార. ఆ తర్వాత టెక్నికల్ బిడ్లను వచ్చే నెల 13వ తేదీన, ఆర్థిక బిడ్లను వచ్చే నెల 16వ తేదీన ఓపెన్ చేయాలని ఖరారు చేశారు.
For More News..