ఇల్లందు: దళిత బంధు లబ్ధదారుల ఎంపికలో అవకతవకలు జరుగుతున్నాయని వరంగల్ జిల్లా ఇల్లందులో దళితులు నిరసనకు దిగారు. దళిత బంధు లబ్దిదారుల ఎంపికలో పారదర్శకత పాటించలేదని ఆగ్రహం వ్యక్తం చేశారు. టీఆర్ఎస్ పార్టీ కార్యకర్తలకు దళిత బంధు ఇచ్చుకుంటున్నారని ఆరోపిస్తూ వరంగల్ - ఖమ్మం రహదారిపై రాస్తారోకో చేశారు. ఈ సందర్భంగా వారు మాట్లాడుతూ... అర్హులను పక్కన బెట్టి 50మంది అనర్హులను ఈ స్కీమ్ కు ఎంపిక చేసినట్లు తెలిపారు. స్థానిక టీఆర్ఎస్ నాయకులు తమ పార్టీ వాళ్లను, కుటుంబ సభ్యులను ఎంపిక చేయడం పట్ల స్థానిక దళితులు ఆందోళన వ్యక్తం చేశారు. ఇప్పటికైనా స్పందించి తగిన న్యాయం చేయాలని ప్రభుత్వాన్ని కోరారు.
