భారత్, అమెరికాల మధ్య రక్షణ బంధం మరింత బలోపేతం చేయడం కోసం రెండు దేశాల మధ్య నిర్వహించే టైగర్ ట్రయంఫ్ యుద్ధ విన్యాసాలకు ఈ ఏడాది విశాఖపట్టణం వేదికగా నిలిచింది. తూర్పు నౌకాదళ ప్రధాన కేంద్రం విశాఖపట్టణంలో టైగర్ ట్రయంఫ్–2024 విన్యాసాలు మార్చి 28 నుంచి 31 వరకు రెండు విడతల్లో జరిగాయి. ఈ ట్రయంఫ్ యుద్ధ విన్యాసాల్లో ఇరు దేశాలకు చెందిన త్రివిధ దళాలు పాల్గొన్నాయి. ఈ మేరకు అమెరికాకు చెందిన యూఎస్ఎస్ సోమర్ సెట్ యుద్ధ నౌకతోపాటు ల్యాండింగ్ ఎయిర్క్రాఫ్ట్లు, హెలికాప్టర్లు, యూఎస్ మెరైన్ కార్ఫ్స్
ఎమ్మర్కెడ్ దళాలతోపాటు భారత్ తరఫున ఐఎన్ఎస్ జలస్వ, ఐరావత్ యుద్ధ నౌకలు, ర్యాపిడ్ యాక్షన్ మెడికల్ టీమ్ కూడా పాల్గొన్నది. మార్చి 25 వరకు హార్బర్ ఫేజ్ విన్యాసాలు జరిగాయి. ఇందులో రెండు దేశాల త్రివిధ దళాల శిక్షణ సందర్శనలు, క్రీడా పోటీలు, వివిధ అంశాలపై చర్చలు జరిగాయి. మార్చి 26 నుంచి 31 వరకు సీ ఫేజ్ విన్యాసాలు జరిగాయి. ఇందులో హ్యుమానిటేరియన్ అసిస్టెన్స్ అండ్ డిజాస్టర్ రిలీఫ్ (హార్డ్), యుద్ధ విన్యాసాలను విశాఖ సముద్ర తీరానికి 40 మైళ్ల దూరంలో నిర్వహించారు.
