యాదాద్రి, వెలుగు : అటెండర్ను కొట్టిన ఆఫీసర్పై చర్యలు తీసుకోవాలని కలెక్టర్ హనుమంతరావుకు టీఎన్జీవో లీడర్లు ప్రజావాణిలో ఫిర్యాదు చేశారు. బాధితుడు ఎం.కృష్ణ తెలిపిన వివరాలు ఇలా ఉన్నాయి.. ఈనెల 2న కలెక్టరేట్కు శాసనమండలి చైర్మన్ గుత్తా సుఖేందర్ రెడ్డి వచ్చిన సమయంలో లిఫ్ట్లోకి ఎవరూ వెళ్లకుండా చూడాలని ఏవో జగన్.. కృష్ణకు సూచించారు.
దీంతో లిఫ్ట్ వద్దకు వచ్చిన ఏఎస్డబ్ల్యూవో తారాబాయిని అతడు ఆపారు. నన్నే ఆపుతావా అంటూ తారాబాయి, ఔట్ సోర్సింగ్ ఉద్యోగి రాహుల్తో కలిసి అసభ్యంగా దూషిస్తూ ఆయన చొక్కా పట్టుకొని లోనికి తీసుకెళ్లి పలువురు సిబ్బంది చూస్తుండగానే కృష్ణను కొట్టారు. ఈ విషయంపై పోలీసులకు బాధితుడు ఫిర్యాదు చేశాడు. తనను ఆకారణంగా కొట్టిన ఏఎస్డబ్ల్యూవో తారాబాయి, సహకరించిన రాహుల్పై చర్యలు తీసుకోవాలని బాధితుడు కృష్ణ కలెక్టర్ ను కోరాడు.
ప్రజవాణి దరఖాస్తులపై ప్రత్యేక శ్రద్ద పెట్టాలి..
సూర్యాపేట, వెలుగు : ప్రజావాణిలో వచ్చే దరఖాస్తులపై ప్రత్యేక శ్రద్ద పెట్టి పరిష్కరించాలని కలెక్టర్ తేజస్ నందలాల్ పవార్ అధికారులకు సూచించారు. కలెక్టరేట్లో ప్రజావాణిలో అడిషనల్ కలెక్టర్ రాంబాబుతో కలిసి ఆయన ప్రజల నుంచి అర్జీలను స్వీకరించారు. ప్రజావాణిలో మొత్తం 64 దరఖాస్తులు వచ్చాయని తెలిపారు.
సమస్యలను సకాలంలో పరిష్కరించాలి..
నల్గొండ అర్బన్, వెలుగు: ప్రజావాణిలో వచ్చిన దరఖాస్తులను పరిశీలించి సకాలంలో పరిష్కరించాలని కలెక్టర్ ఇలా త్రిపాఠి అధికారులను ఆదేశించారు. కలెక్టరేట్లో ప్రజల నుంచి ఫిర్యాదులను అదనపు కలెక్టర్ శ్రీనివాస్ తో కలిసి ఆమె స్వీకరించారు. ప్రజావాణిలో మొత్తం 68 దరఖాస్తులు వచ్చాయని తెలిపారు.
