హైదరాబాద్, వెలుగు: సిటీలో నేటి నుంచి సెకండ్ డో స్ వ్యాక్సినేషన్ డ్రైవ్ ని నిర్వహించనున్నట్లు బల్దియా అధికారులు తెలిపారు. గ్రేటర్ లోని 4,846 కాలనీల్లో డ్రైవ్చేపట్టనున్నట్లు పేర్కొన్నారు. కాలనీలతో పాటు పీహెచ్సీలు, బస్తీ దవాఖానల్లో కూడా వ్యాక్సిన్ అందుబాటులో ఉంటుందని చెప్పారు. కాలనీలో ఒక రోజు ముందుగా ఇంటింటికి వెళ్లి గుర్తించిన వారికి మరుసటి రోజు వాక్సిన్ అందిస్తామన్నారు. వ్యాక్సినేషన్ కంప్లీట్ అయిన ఇంటికి స్టిక్కర్ వేస్తామని, ప్రజలు సద్వినియోగం చేసుకోవాలని కోరారు.
