- పొద్దుగాల పేపర్ 1.. పగటీలి పేపర్ 2
హైదరాబాద్, వెలుగు: రాష్ట్రవ్యాప్తం గా ఆదివారం టీచర్ ఎలిజబిలిటీ టెస్ట్ (టెట్) జరగనుంది. ఉదయం 9.30 గంటల నుంచి మధ్యాహ్నం 12 గంటల వరకు పేపర్ 1, మధ్యాహ్నం 2.30 గంటల నుంచి సాయంత్రం 5 వరకు పేపర్ 2 పరీక్ష జరగనుంది. టెట్కు మొత్తం 3,80,589 మంది దరఖాస్తు చేసుకున్నారు. పేపర్ 1కు 3,51,468 మంది, పేపర్2కు 2,77,884 మంది అప్లై చేశారు. వీరికోసం 1,480 సెంటర్లను ఏర్పా టు చేశారు. నిమిషం ఆలస్యమైనా లోపలికి అనుమతించబోమని అధికారులు ప్రకటించారు. తమ ఏరియాలో నెట్ సౌకర్యంలేక అప్లై చేయలేకపోయామని పలు జిల్లాల కు చెందిన 17 మంది హైకోర్టును ఆశ్రయించారు. వారు టెట్ రాసేందు కు కోర్టు పర్మిషన్ ఇచ్చింది. ఈసారి నుంచి టెట్ క్వాలిఫై అయితే జీవితాంతం వ్యాలిడిటీని కల్పించారు. దాంతోపాటు బీఈడీ అభ్యర్థులకు పేపర్ 1 రాసే అవకాశమిచ్చారు. టెట్ పూర్తయిన తర్వాత టీఆర్టీ నిర్వహిస్తారు.