తెలంగాణ నార్తర్న్ పవర్ డిస్ట్రిబ్యూషన్ కంపెనీ లిమిటెడ్ (TSNPDCL ) రెండు స్కోచ్ అవార్డులను గెలుచుకుంది. జీపీఆర్ఎస్ ఎనెబుల్డ్ ఇంటిగ్రేటెడ్ స్పాట్ బిల్డింగ్, డిస్ట్రిబ్యూటెడ్ సోలార్ ఎనర్జీ విభాగాల్లో ఈ ఆవార్డులు దక్కాయి. ఈ విషయాన్ని స్కోచ్ వైస్ చైర్మన్ గురుశరణ్ దంజల్ వెల్లడించారు.
టీఎస్‌ ఎన్పీడీసీఎల్కు రెండు అవార్డులు దక్కడం పట్ల ఆ సంస్థ చైర్మన్, మేనేజింగ్‌ డైరెక్టర్‌ అన్నమనేని గోపాలరావు సంతోషాన్ని వ్యక్తం చేశారు. టీఎస్‌ ఎన్పీడీసీఎల్కు అన్ని విభాగాల్లో అవార్డులు వస్తున్నాయని తెలిపారు. సీఎం కేసీఆర్, మంత్రి జగదీశ్ రెడ్డి, ట్రాన్స్కో, జెన్కో సీఎండీ ప్రభాకర్రావు కృషి వల్లే ఇది సాధ్యమైందన్నారు. వారి ముందు చూపుతోనే రాష్ట్రం వెలుగుల రాష్ట్రంగా అవతరించిందని కొనియాడారు.
