న్యూఢిల్లీ, వెలుగు : రాష్ట్ర హైకోర్టుకు కొత్తగా ఇద్దరు న్యాయమూర్తులు రానున్నారు. మధ్యప్రదేశ్, కోల్ కతా హైకోర్టుల నుంచి ఇద్దరు జడ్జీలను బదిలీ చేస్తూ కేంద్ర న్యాయ శాఖ సోమవారం గెజిట్ నోటిఫికేషన్ జారీ చేసింది. మధ్యప్రదేశ్ హైకోర్టు న్యాయమూర్తి జస్టిస్ సుజోయ్ పాల్, కోల్కతా హైకోర్టు న్యాయమూర్తిగా పనిచేస్తున్న జస్టిస్ మౌషుమీ భట్టాచార్యను తెలంగాణ హైకోర్టుకు బదిలీ చేసింది. సుప్రీంకోర్టు కొలీజియం సిఫార్సులకు అనుగుణంగా ఈ బదిలీలు జరిగాయి.
