గచ్చిబౌలి, వెలుగు: యూటర్న్ విషయంలో గచ్చిబౌలి కార్పొరేటర్, ట్రాఫిక్ రిజర్వ్ఇన్స్పెక్టర్మధ్య వాగ్వాదం జరిగింది. ఖాజాగూడ సిగ్నల్ నుంచి ఓఆర్ఆర్కి వెళ్లే రోడ్డుపై కరాచీ బేకరీ సమీపంలో ఉన్న యూటర్న్ను మాదాపూర్ ట్రాఫిక్ పోలీసులు ఇటీవల క్లోజ్చేశారు. అయినా కొందరు సిమెంట్దిమ్మెలను తొలగించి రాకపోకలు సాగిస్తున్నారు. మంగళవారం మాదాపూర్ ట్రాఫిక్ రిజర్వ్ ఇన్స్పెక్టర్ భాస్కర్ సిబ్బందితో కలిసి యూటర్న్ను క్లోజ్ చేస్తుండగా.. కార్పొరేటర్ సాయిబాబా అక్కడికి చేరుకున్నారు. యూటర్న్ కోసం రెండు కిలోమీటర్లు వెళ్లాల్సి వస్తోందని, ఇది క్లోజ్ చేయొద్దని చెప్పారు. ‘నువ్వెవరు నాకు చెప్పడానికి’ అంటూ ఇన్స్పెక్టర్ స్పందించడంతో కార్పొరేటర్ స్థానికులతో కలిసి రోడ్డుపై కొద్దిసేపు ధర్నా చేశారు. దీనిపై ట్రాఫిక్ రిజర్వ్ ఇన్స్పెక్టర్ వివరణ కోసం ‘వెలుగు’ రిపోర్టర్ఫోన్ చేయగా, ఆయన లిఫ్ట్ చేయలేదు.
