దాని నోట్లోకొచ్చి పడింది బువ్వ. కానీ, అంతల్నె మిస్సైపాయె. నీళ్ల పాలయ్యె. హంప్బ్యాక్ వేల్ ఈదుకుంట ఈదుకుంట పోతూ ఉన్నట్టుండి పైకి లేచింది. అక్కడ్నె ఉన్నదో ఏమో ఈ సీ లయన్ (సీల్) దాని నోట్లోకి జారి పడ్డది. అయిపోయాన్రా దేవుడా అనుకుంటుండగానే తప్పించుకుని నీళ్లలోకి దూకింది. బతికిపోయింది. కాలిఫోర్నియాలోని మోంటరరీ బేలో కనిపించిందీ దృశ్యం. అమెరికాకు చెందిన చేజ్ డెక్కర్ అనే ఫొటోగ్రాఫర్ దానిని క్లిక్మనిపించాడు.
అయితే, సీల్స్ లాంటి జంతువులను తిమింగలాలు తినవంటున్నాడు డెక్కర్. ఎందుకంటే, వాటి గొంతు చిన్నగా ఉంటుందట. సీల్ లాంటి జంతువులు పట్టవట. అందుకనే చిన్న చిన్న వాటిని తినేస్తుంటాయట ఈ హంప్బ్యాక్ వేల్స్. తినేముందు భారీగా నీళ్లనూ నోట్లో ఉంచుకుని వాటిని మింగేస్తాయట. కానీ, ఈ సీల్ విషయంలో మాత్రం ఆ తిమింగలం గట్టిగానే ప్రయత్నించినా, ఆ చిన్న సీల్ చాన్స్ మాత్రం ఇవ్వలేదు.
