తెలంగాణ రాష్ట్ర ఎన్నికల సంఘం పూర్తి స్థాయిలో లేటెస్ట్ టెక్నాలజీని వినియోగించుకుంటూ..ఎన్నికలు పారదర్శకతతో నిర్వహించేందుకు సిద్దమవుతోంది. ఇందుకోసం TE పోల్ వెబ్సైట్ ద్వారా ఎన్నికల ప్రక్రియను నిర్వహించనున్నది. ఓటర్ల జాబితాలో తప్పుల సవరణ, కుటుంబ సభ్యుల ఓట్లు ఎక్కడున్నాయి చూసుకునే సౌకర్యం పోల్ చీటీలను డౌన్లోడ్ చేసుకోవడం లాంటి ఎన్నో సౌకర్యాలున్నాయి. అంతేకాదు..
ఓటర్ల సంఖ్య పెరగడం, ఎన్నికల సంఘం మార్గదర్శకాల క్రమంలో మరిన్ని పోలింగ్ కేంద్రాలు పెరిగే అవకాశం ఉంది. ఒక కుటుంబంలోని సభ్యులంతా ఒకే వార్డులో ఉండేలా చర్యలు తీసుకుంటున్నారు. ఈ ప్రక్రియను TE -పోల్ వెబ్‌ సైట్‌లో ఎప్పటికప్పుడు నమోదు చేస్తున్నారు.
… పేరు, వయసు, చిరునామా, ఇంటి నంబర్లలో తప్పులు ఉంటే ఆన్‌లైన్‌లో సవరించుకోవచ్చు. తమ కుటుంబ సభ్యుల పేర్లన్నీ ఒకే పోలింగ్ బూత్‌లో ఉన్నయా? లేదో పరిశీలించుకోవచ్చు. సవరణలకు ఆన్‌లైన్‌లో వెసులుబాటు కల్పించారు.
… నియోజకవర్గాల వారీగా ఎన్ని పోలింగ్ సెంటర్లున్నాయి. ఒక్కో పోలింగ్ కేంద్రంలో ఎంత మంది ఓటర్లు ఉన్నారు, పోలింగ్ కేంద్రాలకు ఎలా వెళ్లాలి లాంటి వివరాలు తెలుసుకోవచ్చు.
… గత ఎన్నికల్లో అభ్యర్థులు ఓటర్ల జాబితా కోసం అధికారులు, కార్యాలయాల చుట్టూ తిరగాల్సి వచ్చేది. ప్రస్తుతం రూపొందించిన వెబ్సైట్ ద్వారా అభ్యర్థులు ఓటరు జాబితాను ఆన్‌లైన్ నుంచి తీసుకోవచ్చు.
… ఓటర్లు పోల్ చీటీలను కూడా డౌన్లోడ్ చేసుకోవచ్చు.
…. అభ్యర్థులు రోజువారీ ఎన్నికల ఖర్చు వివరాలను ఈ వెబ్‌సైట్‌లో నమోదు చేస్తే సరిపోతుంది. ఎన్నికల్లో విధులు నిర్వర్తించే ఉద్యోగుల లిస్టు గతంలో అధికారుల దగ్గరే ఉండేది. ప్రస్తుతం ఆ లిస్టును వెబ్‌సైట్‌లో చూసుకోవచ్చు.
…. ఎవరు, ఎక్కడ విధులు నిర్వర్తించనున్నారు. ఎన్నికల నిర్వహణలో వారి హోదా తదితర వివరాలను తెలుసుకోవచ్చు.
….వెబ్‌సైట్‌లో పలు విభాగాలు ఉన్నాయి. ఎన్నికల నియమావళితో పాటు అభ్యర్థులు, ఓటర్ల వివరాలకు సంబంధించిన విభాగాలను ప్రత్యేకంగా ఏర్పాటు చేశారు.
…. అభ్యర్థుల దరఖాస్తు పత్రాలు, అఫిడవిట్లు, ఎన్నికల షెడ్యూల్, ఎన్నికల నిర్వహణ తేదీలను ఈ వెబ్‌సైట్‌లో అందుబాటులో ఉంచనున్నారు.
