స్కూల్ చదువు అయిపోగానే కాలేజీలో చేరడానికి ఏ కాలేజీ బాగుందా? అని రెండు మూడు కాలేజీలు చూస్తారు. నచ్చిన కాలేజీలో చేరతారు. అయితే, డెన్నిస్ బార్నెస్ అనే స్టూడెంట్ మాత్రం ఒకటి రెండు కాదు ఏకంగా 200 కాలేజీలు, యూనివర్సిటీలకు అప్లయ్ చేశాడు!
న్యూ ఆర్లియన్స్ ఇంటర్నేషనల్ హై స్కూల్లో చదివిన డెన్నిస్ స్కూల్ చదువు పూర్తయ్యాక కాలేజీలో చేరాలనుకున్నాడు. అందుకోసం 200 కాలేజీలు, యూనివర్సిటీలకు అప్లై చేశాడు.125 కాలేజీల్లో అడ్మిషన్ దొరికింది. రెండొందల కాలేజీలకు ఆగస్ట్లో అప్లై చేశాడు. ఇప్పుడు వాటి రిటర్న్ లెటర్లతో మెయిల్ బాక్స్ నిండిపోయిందట. పైగా వాటిలో వందల సంఖ్యలో స్కాలర్ఫిప్ ఆఫర్స్ ఉన్నాయన్నాడు బార్నెస్. అవన్నీ కలిపితే ఇప్పటి వరకు 9మిలియన్ డాలర్ల స్కాలర్షిప్స్ వచ్చాయి.
2019లో ఒకతను 8.7 మిలియన్ డాలర్స్ స్కాలర్షిప్స్తో రికార్డ్ సెట్ చేశాడు. అతని రికార్డ్ని బార్నెస్ బ్రేక్ చేశాడు. అయితే ‘‘ఇది నా గోల్ కాదు.10 మిలియన్ డాలర్స్ స్కాలర్షిప్స్ కావాలి అనుకుంటున్నా. అందుకోసం ఇంకా ఒక నెల టైం ఉంది. ఏ కాలేజీలో చేరతాననేది మాత్రం సస్పెన్స్’’ అంటున్నాడు బార్నెస్. కంప్యూటర్ సైన్స్, క్రిమినల్ జస్టిస్లో ఒకేసారి రెండు డిగ్రీలు చేయాలనుకుంటున్నాడు. ఈ వెరైటీ అప్లికెంట్ ఏ కాలేజీలో చేరతాడో మే 2న తెలుస్తుంది. .